Сэлэнгэ аймгийн Сүхбаатар сумын дөрөвдүгээр багийн иргэн 74 настай Ц нь коронавирусын халдвар тээгч болох нь тогтоогдсон. Түүний ойрын хавьтагч болох нэг гэрт амьдардаг бэр Д.Д , ач хүү нараас мөн л коронавирус илэрснийг ЭМЯ-наас 11 цагийн мэдээллээр баталгаажуулсан юм. Коронавирусын халдвар тээгч 35 настай Д.Д нь Сэлэнгэ аймгийн Төмөр замын цэцэрлэгт багшаар ажилладаг аж. Тэрбээр гурав хоногийн өмнө ажлаа хийсэн бөгөөд ангийнх 29 хүүхдийг гэрт нь тусгаарлаад байна. Яг одоо энэ асуудлаар Сэлэнгэ аймгийн Онцгой комисс хуралдаж байгаа юм.