Сэлэнгэд дахин 21 хүн халдварлаж, улсын хэмжээнд 629 тохиолдол боллоо

Эрүүл мэндийн яамнаас 17:00 цагийн ээлжит мэдээллээ хийлээ.
ХӨСҮТ-ийн тандалт судалгааны албаны дарга А.Амбасэлмаа: 11 цагаас хойш буюу 17 цагийн байдлаар МУ-д 629 тохиолдол бүртгэгдлээ. Нэг  голомтоос бүртгэгдсэн. Тодруулбал, Сэлэнгэ аймаг 21 тохиолдол бүртгэгдэж тус аймагт 96 хүн коронавирусээр өвчлөөд байна. Сэлэнгэ аймгийн Сүхбаатар, Мандал суманд хоёр том голомт байна.  11-р сарын 10-наас хойш ойрын хавьтлын 800 гаруй, мөн 7500 хоёрдогч хавьталд тандалт судалгаа хийсэн. УБ-т 19400 гаруй хүнд түргэвчилсэн шинжилгээ хийсэн. Батлагдсан тохиолдол гарах хэрээр ойрын хавьтлын тоо нэмэгдэж явдаг. Манай ард иргэд өөрсдийн ухамсартайгаар хандаж байгаад бид талархаж байна.