ОХУ-аас Хятадын өмнө зүг рүү илгээсэн хүнсний бүтээгдэхүүний савалгаан дээрээс коронавирус илэрсэн гэж Хятадын Засгийн газраас мэдэгдсэн талаар өчигдөр /2020.11.22/ РИА Новости мэдээллээ. Бүсийн өвчнийг хянах, урьдчилан сэргийлэх төвийн шалгалтаар ОХУ-аас ирсэн хөлдөөсөн тахианы мөчнөөс коронавирус илэрчээ. Шатянь хотын удирдлага агуулахыг яаралтай битүүмжлэн халдваргүйжүүлжээ. Уг бүтээгдэхүүнээс хэн ч халдвар аваагүй гэдгийг албаны хүмүүс онцолсон байна.
Өмнө нь Оростой хил залгадаг Манжуур хотод халдварын 2 тохиолдол бүртгэгдсэнээс хөл хорио тогтоосон билээ. Уг хотод олон нийтийн үйл ажиллагааг зогсоон, сургууль цэцэрлэгийг хаасан юм. Хэсэг хугацаанд төмөр замыг мөн хаасан байна. Хотын удирдлагаас бүх нийтийг шинжилгээнд хамруулна гэдгээ зарласан билээ.
Эх сурвалж: www.lenta.ru
°C