Орон нутгийн иргэдийг энэ долоо хоногийн сүүлээр гаргах ажлыг зохион байгуулахаар төлөвлөж байна

Яг УИХ-ын ччуулганы нэгдсэн хуралдаан болж байна. Энэ үеэр УИХ-ын гишүүн С.Бямбацогт орон нутгийн иргэдийг хэзээ гаргах асуудлаар тодрууллаа. Энэ асуултад УОК-ын дарга, Монгол Улсын Шадар сайд Я.Содбаатар хэлэхдээ “Хотоос гарах хүсэлтэй 27 мянган иргэн, хот руу орох 11 мянга гаруй иргэн байгаа. Гэхдээ бодит байдал дээр үүнээс илүү их иргэд байгаа гэж тооцоолж байгаа. Бид орон нутгийн иргэдийг гаргахаар ажлын хэсэг байгуулсан. Ажлын хэсгийн хийж буй ажлын хүрээнд бүртгэлийн 119.mn гэсэн программаар тухайн иргэний очих хаяг, биеийн байдал, шинжилгээ өгөх цэгүүдийг тодорхойгоор байршуулна. Энэ долоо хоногийн сүүлээр писиарын шинжилгээ аваад гаргахад бэлэн болсон. Халдваргүй бүсрүү өвчтэй хүн алдчих вий гэсэн болгоомжлол бий” гэлээ.