2021/01/20
USD 2,811

Дуудлагаар согтууруулах ундаа борлуулж байсныг илрүүллээ

О.Шүрэнцэцэг
2020/11/25

Нийслэлийн цагдаагийн удирдах газраас Сүхбаатар дүүргийн IX хорооны нутаг дэвсгэрт иргэн Б нь нэг шил виски, 0.5 литрийн “Сэнгүр” пиво 23 ширхгийг, иргэн О нь “Эдэн” архи хоёр шил, 2.5 литрийн “Сэнгүр” пиво хоёр  ширхгийг, “Хойморь” оффисийн урд СХД-т оршин суух Г, Б нар нь цахим дуудлагаар “Хараа” найман шил архи тус бүр  худалдан борлуулсан зөрчлийг илрүүллээ.

Зөрчлийн тухай хуулиас 5.13.2 Гамшиг, аюулт үзэгдэл, халдварт өвчин, осол, аюулын үед эрх бүхий байгууллагаас тогтоосон хорио цээр, хөдөлгөөний хязгаарлалт, тэдгээрийн дэглэм зөрчсөн, эсхүл саад учруулсан нь эрүүгийн хариуцлага хүлээлгэхээргүй бол хүнийг 500 нэгжтэй тэнцэх хэмжээний төгрөгөөр торгох, эсхүл 7-30 хоногийн хугацаагаар баривчлах шийтгэл оногдуулах, хуулийн этгээдийг 5000 нэгжтэй тэнцэх хэмжээний төгрөгөөр торгох юм.