Аргентины хөлбөмбөгч Диего Марадона өчигдөр зүрхний шигдээсний улмаас 60 насандаа таалал төгслөө.
"Аргентины хөлбөмбөгийн холбоо Ерөнхийлөгч Клаудио Тапиагаараа дамжуулан домогт од Диего Армандо Марадонагийн үхэлд гүнээ харамсаж байгаагаа илэрхийлж байна. Та бидний зүрх сэтгэлд үргэлж байх болно" гэж твиттертээ бичжээ.
Мөн, Домогт хөлбөмбөгч Диего Марадонагийн дурсгалыг хүндэтгэн эх оронд нь гурван өдрийн гашуудал зарлаж буй тухай Аргентины Ерөнхийлөгчийн захиргаанаас мэдэгджээ.
Диего Марадона бол 20-р зууны шилдэг хөлбөмбөгчдийн нэг, домогт од байв. Аргентины шигшээ багийн гол тоглогч байсан тэрээр хожим үндэсний шигшээ багаа дасгалжуулж байжээ.