Дэлхийн эрүүл мэндийн байгууллага COVAX хөтөлбөрөөрөө дамжуулан Pfizer / BioNTech-тэй хамтран 40 сая тун COVID-19 вакцин нийлүүлнэ гэж ДЭМБ-ын Ерөнхий захирал Тедрос Адханом Гебресиесус баасан гаригт хийсэн товч мэдээлэлдээ хэллээ.
"Өнөөдөр COVAX хөтөлбөрөөр 40 сая тун вакцины талаар Pfizer / BioNTech-тэй гэрээ байгуулснаа дуулгахад таатай байна. Нэмж дурдахад бид 150 сая тун АстраЗенека Оксфордын вакциныг яаралтай ашиглах хүртэл хүлээгдэж байгаа бөгөөд удахгүй хөтөлбөрөөр дамжуулан тараах боломжтой болно. Энэ оны эхний улиралд COVAX хөтөлбөрийн хүрээнд вакцин тараах ажил 2-р сараас эхэлнэ гэж ДЭМБ-ын тэргүүн онцоллоо. Энэ жил уг хөтөлбөрийн дагуу вирусийн эсрэг 2 тэрбум тун вакцин хүргэхээр төлөвлөжээ.
Үүнийг Pfizer компанийн дарга, гүйцэтгэх захирал Альберт Бурла баталж, энэ оны эхний улиралд түүний компани вакцин тээвэрлэж эхлэхээр болсныг онцолсон юм.
GAVI-ийн тэргүүн Сет Берклигийн хэлснээр ирэх долоо хоногт Вакцины Холбоо мужуудад вакцин нийлүүлж эхлэх хугацааг ойролцоогоор 190 орнуудад зарлах болно.
Эх сурвалж:Ria.ru
Сэтгэгдэл (0)
Сэтгэгдэл бичигдээгүй байна