Орост болсон Навальныйг суллахыг шаардсан эсэргүүцлийн жагсаалд хүүхэд олноор оролцсон тухай албаныхан мэдээлж байна. Оросын хуулийн дагуу улс төрийн жагсаал цуглаан гэх мэт олон хүн оролцсон арга хэмжээнд хүүхдийн дагуулж явах, татан оролцуулах хориотой. Оролцсон тохиолдолд эцэг, эхэд нь хариуцлага тооцдог. Гэтэл Навальный нь иргэдийг гудамж талбайд гарч жагсахыг уриалсны дараагаар сөрөг хүчний зохион байгуулагчид нь олон нийтийн сүлжээ ашиглан өсвөр насныхан хандсан жагсаалд гарах тухай контент бэлдэн маш эрчимтэй тарааж эхэлсэн. Ялангуяа “TiKTоK” гэх мэт гадаадын сүлжээнүүд ийм уриалгыг хамгийн их тараасан гэж байна. Үүнээс болоод Орос даяар маш олон хүүхэд саатуулагдсан байна. Зарим газар эцэг, эхчүүд өөрсдөө жагсаал дээр ирж хүүхдээ хүчээр шахуу гэр рүүгээ авч явж байсан байна. Москвад гэхэд үймсэн олон дунд гүйж явсан 9, 12 настай хоёр хүүхдийг цагдаа нар түр саатуулсан нь хамгийн залуу жагсагчид болжээ.
Навальныйг дэмжигчдийн дийлэнх нь 25-аас хүртэлх насны залуучууд, дунд сургуулийн сурагчид гэдгийг судлаачид хэдийн тогтоосон. Харин 30-35 наснууд, түүнээс дээш насны хүмүүс нь 90-ээд онд, Ельцинийг Ерөнхийлөгч байхад ямаршуу хүнд байдалд амьдарч байснаа санаж явдаг хүмүүс бөгөөд Навальный болон түүний дэмжигчдийн яриад байгаа нь тэр үеийн амьдрал руу эргэж орохыг уриалсан зүйл гэж тусгадаг тул дэмждэггүй.
Харин 2000 оноос хойш буюу Путиныг Ерөнхийлөгч болсноос хойш төрсөн хүүхдүүд нь өлсгөлөн гуйланчлал гэх мэт 90-ээд оны хүнд бэрхийг мэдэхгүй тул урагшлах хөдөлгөөн үгүй болж, хөшсөн нийгмийг өөрчлөх цаг нь болсон гэж ярьцгаадаг юм байна. Тэд “Намайг өлгийтэй байхад л Путин байсан хөгшрөөд тэтгэвэртээ гарахад ч бас Путин л байсаар байх юм байна” гэж бухимдаж байгаа аж.
Сэтгэгдэл (0)
Сэтгэгдэл бичигдээгүй байна