ХӨСҮТ-ийн халдварт өвчний тандалт судалгааны албаны дарга Ж.Байгалмаа: МУ-д нийт 11905 хүнд шинжилгээ хийхэд 45 хүнээс коронавирус илэрч 2433 тохиолдол боллоо. Тохиолдлууд бүгд Улаанбаатар хотод бүртгэгдсэн. Бусад аймаг орон нутагт халдвар бүртгэгдээгүй. Нийт 2299 хүн эдгэрч, сүүлийн 24 цагт 50 хүн эдгэрч эмнэлгээс гарлаа. Шинээр халдвар авсан 29 нь тандалтад байсан, 13 нь нэг хаалга нэг шинжилгээнээс, 3 халдвар авсан хүний хавьтал нь тодорхойгүй байна.