Шинэ корона вирусийн халдвар шинээр авсан хүний тоо сүүлийн сар гаруйн хугацаанд тогтмол буурч ирсэн ч өнгөрсөн долоо хоногоос буцааж өсөж эхэлжээ. Энэ тухай ДЭМБ-ын Ерөнхий захирал Тедрос Аданом Гебрейесус мэдэгдсэн байна. Тэрээр “Улс орнууд дан ганц вакцинд найдах нь алдаа. Олон нийтийн эрүүл мэндийг сахих арга хэмжээнүүд нь цар тахлын эсрэг тэмцлийн бас нэг тулганы чулуу хэвээр байгаа” гэжээ.
Бүх нийтийн вакцинжуулалт эхэлсэнтэй холбоотойгоор зарим улс орнууд цар тахлыг ялахад зайлшгүй шаардлагатай шаардлагатай чухал хэрэгсэл болох хөл хорионы дэглэмээ сулруулсан тул шинэ тохиолдлын тоо нэмэгдсэн гэдэг таагүй мэдээ нь гэнэтийн зүйл болоогүй гэдгийг ДЭМБ-ын Ерөнхий захирал онцолжээ. Түүнчлэн зарим улсын удирдлагууд нэн тэргүүнд өндөр настнуудаа бус харин халдварт илүү тэсвэртэй эрүүл, залуусыг онцгойлон вакцинжуулж байгааг шүүмжилжээ.