Оросын “АК-203” Калашниковын автотматыг Энэтхэгийг арми үндсэн зэвсгээрээ сонгож байгаа гэдгийг тус улсаас ОХУ-д суугаа Элчин сайд Датла Бала Венкатешмэдэгджээ. АК-203 автоматыг Энэтхэгийн нутагт үйлдвэрлэх учраас ойрын хугацаанд зэвсэглэлдээ авах юм байна. Оросын АК-203 автоматыг Энэтхэгийн Уттар-Прадеш муж дах Корва хотод байгуулсан Энэтхэг-Оросын хамтарсан “Indo-Russian Rifles Private Limited” үйлдвэрт лицензээр үйлдвэрлэж эхэлнэ. Одоо үйлдвэрлэл эхлүүлэх гэрээн гарын үсэг зурах ажил төгсгөлийн шатандаа яваа юм байна. Ийнхүү Энэтхэгт үйлдвэрлэсэн “АК-203” нь 1998 онд армийн зэвсэглэлдээ авч байсан “INSAS” автоматыг орлох аж. Энэтхэгийн “INSAS” автомат нь 5,56 мм калибртай бөгөөд бодит тулааны үеэр дайсныг устгах чадвар сул байгаа нь тогтоогдсон. Иймд Энэтхэгийн арми нь “Буудуулсан дайсан жагсаалаас түр гарах бус харин даруй устгагдах ёстой” гэсэн уриатайгаар үндсэн зэвсэглэлээ солих шинэчлэл явуулснаар 7,62 мм-ийн илүү хүчтэй, илүү найдвартай Оросын “АК-203” сонгосон нь энэ аж.
Энэтхэг нь өөрийн нутаг дах үйлдвэрт ойрын хугацаанд 670 мянга гаруй АК-203 автомат үйлдвэрлэнэ гэж төлөвлөөд байгаа юм байна. Түүнчлэн Энэтхэг нь лицензээр үйлдвэрлэсэн автоматаа өөрсдөө экспортлох эрхтэй байх юм байна.
0°C
Сэтгэгдэл (424)