Жендэрийн Үндэсний хорооны хурал боллоо. Энэ үеэр Ерөнхий сайд Л.Оюун-Эрдэнэ мэдээлэл хийлээ.
Тэрбээр “Эмэгтэйчүүд талд тэгш бус байдал бий. Гэхдээ олон улстай харьцуулахад жендерийн мэдрэмжтэй хөгжсөөр байгаа улс гэж үнэлэгддэг.
Бид эмэгтэйчүүдийн эрхийг хамгаалах баяраа хүний эрх байдлаар тэмдэглэе. Эмэгтэйчүүдийн хөдөлмөр эрхлэлтийн оролцоог нэмэгдүүлэх тал дээр шинэ түвшинд ажиллах шаардлагатай байна. БНСУ хөгжилд хүрэхээс өмнө эмэгтэйчүүд гэртээ үр хүүхдээ өсгөх үндэсний соёлтой байсан. Эдийн засаг хөгжихийн хэрээр ажиллах хүчний хомсдолд орж эхэлсэн. Хүнд амынх нь 50 хувь идэвхгүй байгаад байсан. Тиймээс эмэгтэйчүүдийн төлөөллийг хөдөлмөр эрхлүүлэх вэ гэдэгт том бодлого хэрэгжүүлсний үр дүнд БНСУ Азийн бар болж, богино хугацаанд хөгжсөн.
Манай улсын хувьд гэрлэлт залуужиж байна. 16,17-той хүүхдүүд хүүхэд гаргаж, гэртээ сууж байна. Намайг шүүмжлэх байх. Гэхдээ хэлье. Энэ тохиолдолд эмэгтэйчүүдийг цэрэгт явуулахаас өөр гарцгүй байдаг гэж байгаа юм. Ингэж байж идэвхтэй иргэнийг бий болгодог. Ажиллах хүчний 50 хувь нь идэвхгүй байж болохгүй. Энэ мэт асуудлуудыг яриад байгаа. Давс мэт шорвог асуудлыг татаж гаргаж, шийдэж гаргахгүй бол урсаад яваад байж болохгүй байна” гэв.
Сэтгэгдэл (0)
Сэтгэгдэл бичигдээгүй байна