Эхнэр нь ХӨСҮТ-д тусгаарлалтын дэглэм зөрчсөн гэх асуудалтай холбогдуулан Шадар сайд С.Амарсайхан мэдээлэл хийж байна.
Тэрбээр "Ахмад буурлууд энэ өвчинг маш хүнд тусч байна. Манай гэр бүлийн хүний аав ээж нь 80 гарсан хүмүүс байдаг, хоёулаа шинжилгээний хариу нь эерэг гарсан.Тиймээс халдвар хамгааллын дэглэмээ барьж хүргэж өгсөн. Манай эхнэр аав ээжийнхээ гэрт буюу халдвар гарсан голомтот газраа тусгаарлагд гэсэн мэргэжлийн байгууллагын зөвлөмжөөр 14 хоног тусгаарлагдаж байна. Та бүхнийг бодит мэдээллээр хангах үүднээс миний бие энэхүү мэдээллийг хийгээд зогсож байна.Гаргасан дэглэм журмыг би болон миний гэр бүл зөрчих ёсгүй. Тэр тал дээр олон нийтийн хөндөж байгаа сэдэв болон бусад асуудлуудаар хэн ч давуу эрх эдлэх ёсгүй. Тиймээс УОК гэхээсээ илүү ХӨСҮТ буюу мэргэжлийн байгууллагын гаргаж байгаа зөвлөмжийг дагаж байгаа.Манай эхнэр гэр лүүгээ ирсэн асуудал ч байхгүй. Манай хадам ээж, аав хоёулаа эерэг гарсан. Хаанаас халдвар авсан нь мэдэхгүй. Эхнэр маань эмнэлэгт ээж, ааваа хүргэж өгсөн бөгөөд одоо ч тусгаарлагдаж байгааг хэлье. Мөн гурван удаагийн шинжилгээ өгсөн бөгөөд бүх шинжилгээнийх нь хариу сөрөг гарсан. Би ч хамгийн сүүлд гурав хоногийн өмнө шинжилгээ өгөхөд сөрөг гарсан" гэв.
"
Сэтгэгдэл (0)
Сэтгэгдэл бичигдээгүй байна