Ц.Нямдорж: Т.Чимгээ, Б.Содномдаржаа хоёрыг хэлмэгдүүлсэн,суллах ёстой

ЗГХЭГ-ын дарга Ц.Нямдорж: С.Зориг агсны амь насыг хөнөөсөн хэргийн захиалагчийг хамгийн их шалгасан хүн Г.Эрдэнэбат. 2012 оноос хойш ажлын хэсгийн ахлагчаар ажилласан. Дөрвөн төрлийн үүрэг гүйцэтгэсэн. Нэгдүгээрт гүйцэтгэх ажлыг шууд удирдаж байсан. Эрүүдэн шүүх ажиллагаа Г.Эрдэнэбатын гарын үсэгтэйгээр хийгдэж байсан. Хоёрдугаарт мөрдөн байцаалтын ажилд хяналт тавьж байсан. Гуравдугаарт Улсын яллагчийн үүрэг гүйцэтгэсэн. Бүх зүйлийг Г.Эрдэнэбат прокурор өөрөө хийсэн хүн.Энэ ажиллагаанд Монголын хуулийн байгууллагынхан  АТГ,  ЦЕГ, ТЕГ, ШШГЕГ, Прокурорын ерөнхий газрын удирдлагууд бүгд оролцсон. Миний ярьсан бүхэн протоколтой үнэн шүү. Захиалгаар хүн хөнөөсөн гэж Т.Чимгээ, Б.Содномдаржаа хоёрыг шийтгэчихээд захиалагчийг хайна гэж ямар юм байдаг юм.Миний яриад байгаа гол зүйл энэ хэрэгт Т.Чимгээ, Б.Содномдаржаа хоёрыг хэлмэгдүүлсэн. Энэ хоёрыг суллах ёстой. Гэмгүй,  хэрэг хийгээгүй хүмүүсийг яагаад зургаан жил шоронд суулгаж байгааг 2016 оноос хойш  би яг тав дахь жилдээ ярьж байна.