Интермед эмнэлэг эмчилгээ хийж байна гэх шалтгаанаар Н.Түвшинбаярыг цагдаа нарт өгч явуулахгүй байна
Өчигдөр орой МУ-ын өсөх идэр начин Э.Энхбат бусдад зодуулж ГССҮТ-д хүргэгдсэн. Хохирогч начин Э.Энхбатын эхнэр Б.Нандинцэцэгтэй бид уулзаж нөхцөл байдлыг тодруулахад олимпийн аварга, МҮОХ-ны Ерөнхийлөгч Н.Түвшинбаярт нөхрөө зодуулсан гэдгийг хэлж байсан юм. Э.Энхбатын биеийн байдал маш хүнд ГССҮТ-ийн сэхээн амьдруулах тасагт хэвтэн эмчлүүлж байна.
Уг хэрэгтэй холбогдуулж олимпийн аварга, МҮОХ-ны Ерөнхийлөгч Н.Түвшинбаярыг Цагдаагийн байгууллагаас саатуулах гээд Интермед дээр очсон ч Интермед эмнэлгээс Н.Түвшинбаярт эмчилгээ хийж байна гэх шалтгаанаар цагдаа нарт өгч явуулахгүй байгаа юм байна. Яг одоо ХУД-ийн цагдаагийн нэгдүгээр хэлтсээс Н.Түвшинбаярыг саатуулахаар алба хаагчид Интермэд эмнэлэгт хүлээж байгаа аж.
Сэтгэгдэл (0)
Сэтгэгдэл бичигдээгүй байна