Шууд: Н.Түвшинбаяр ХУД-ийн цагдаагийн нэгдүгээр хэлтэст байцаалт өгч байна

Өчигдөр орой МУ-ын өсөх идэр начин Э.Энхбат бусдад зодуулж ГССҮТ-д хүргэгдсэн. Хохирогч начин Э.Энхбатын эхнэр Б.Нандинцэцэгтэй бид уулзаж нөхцөл байдлыг тодруулахад олимпийн аварга, МҮОХ-ны Ерөнхийлөгч Н.Түвшинбаярт нөхрөө зодуулсан гэдгийг хэлж байсан юм. Э.Энхбатын биеийн байдал маш хүнд ГССҮТ-ийн сэхээн амьдруулах тасагт хэвтэн эмчлүүлж байна.

Уг хэрэгтэй холбогдуулж олимпийн аварга, МҮОХ-ны Ерөнхийлөгч Н.Түвшинбаярыг Цагдаагийн байгууллагаас саатуулах гээд Интермед дээр очсон ч Интермед эмнэлгээс Н.Түвшинбаярт эмчилгээ хийж байна гэх шалтгаанаар цагдаа нарт өгч явуулахгүй байгаа талаар бид мэдээлсэн.

 Тэгвэл Н.Түвшинбаярыг Интермед эмнэлгээс саатуулж ХУД-ийн цагдаагийн Нэгдүгээр хэлтэст байцаалт авч байна. Н.Түвшинбаярыг  бусдын эрүүл мэндэд хүнд хохирол учруулсан үндэслэлээр шалгаж байгаа юм байна.