Улсын өсөх идэр начин Э.Энхбатын биеийн байдал хүнд байна

Монголын үндэсний олимпийн хорооны ерөнхийлөгч Н.Түвшинбаяр нь Монгол Улсын начин Э.Энхбатын эрх чөлөөнд халдаж, биед нь хүнд гэмтэл учруулсан хэргээр ХУД-ийн цагдаагийн нэгдүгээр хэлтэст сэжигтнээр татагдан өчигдрөөс эхлэн цагдан хоригдож байгаа юм. Н.Түвшинбаярыг яллагдагчаар татан шалгах хүсэлтийг ЦЕГ-аас Прокурорын байгууллагад хүргүүлээд байгаа юм. Хохирогч Э.Энхбат начин ГССҮТ-ийн эрчимт эмчилгээний тасагт унтуулгад орсон байдалтай, биеийн байдал нь хүнд байна. Э.Энхбатыг  ХБНГУ руу эмчилгээнд явуулахаар ярилцаж байгааг түүний аав хэлж байгаа юм.