БНХАУ-ын жолоодлогот сансрын нислэгийн удирдах газраас пүрэв гарагт гурван сансрын нисгэгч бүхий “Шэньчжоу-12” жолоодлогот пуужинг амжилттай хөөргөсөн тухайгаа албан ёсоор мэдэгдлээ. Пуужинг пүрэв гарагийн өглөөний 9 цаг 22 минутад Өвөр Монгол ба Ганьсу мужийн зааг дээр байрладаг талбараас хөөргөсөн байна. Сансрын төхөөрөмж тойрог замд амжилттай гарсан тухай Хятадын тал мэдэгджээ.
Хятад нь дэлхийн тойрог замд өөрийн гэсэн станц байгуулах ажлыг эхлүүлээд байгаа юм. Станц байгуулах явц нь хоёр үе шаттай хэрэгжих бөгөөд 2021 онд болох эхний шатны ажлаар тойрог замд гарасан сансрын технологиудаа туршин шалгах юм байна. 2022 онд эхлэх хоёр дах шатны ажлаар тэнд угсралтын ажил явуулж сансрын станц байнгын багуудыг хүлээн авч тасралтгүй үйл ажиллагаа явуулахад бэлэн болох ёстой аж. Энэ удаад “Шэньчжоу-12” пуужингаар тойрог замд гараад байгаа гурван сансрын нисгэгч нь тоног төхөөрөмжийн хэвийн ажиллагааг шалгаж, цаашид станц дээр хүн амьдрах нөхцөлийг хангах, станцын гадна задгай сансарт гарч засварын ажил зэргийг хийх юм байна.
Сэтгэгдэл (0)
Сэтгэгдэл бичигдээгүй байна