Дорнод бүсийн хагас шигшээд учраа таарсан Милоуки Бакс болон Брүүклин Нэтс багийн цуврал маш сонирхолтой болж 7 тоглолтоор шийдэгдлээ. Өнөө өглөө болсон цувралын шийдвэрлэх 7 дахь тоглолтонд нэмэлт цагт Милоуки Бакс 115-111 харьцаатай Брүүклин Нэтс багийг хожиж бүсийн аваргын төлөө шалгарлаа.
Энэ улирал эхлэхэд К.Дюрант, Ж.Харден, К.Ирвинг гэсэн орчин цагийн их гурвалыг бүрдүүлж аварга авах хамгийн өндөр магадлалтай багаар нэрлэгдэж байсан Брүүклин Нэтс багт бэртэл, гэмтлээ том саад боллоо. Өөрөөр хэлбэл Брүүклин Нэтс багийн плэй-оффын гол өрсөлдөгч нь бэртэл байлаа. Багийн шилдэг холбон тоглогч К.Ирвинг бэртэл авч цуварлыг дуусгаж чадаагүй бол хамгаалагч Ж.Харден бэртэлтэй байсан ч сүүлийн хоёр тоглолтонд талбайд гарсан.
Өнөөдрийн тоглолтонд үндсэн цагт 109-109 тэнцсэн бөгөөд нэмэлт цагт Милоуки Бакс баг 6 оноо авсан бол Брүүклин Нэтс ердөө 2 оноо авсан. Милоуки Бакс багаас гараанд гарсан бүх тоглогчид 10-аас дээш оноо авсан бөгөөд Яннис 40 оноо, 13 самбар, К.Миддлетон 23 оноо, 10 самбар, Б.Лопез 19оноо, 8 самбар, Ж.Холидэй 13 оноо, 8 дамжуулалт, Пи.Жи.Такер 11 оноо авсан. Тэдний өрсөлдөгч Брүүклин Нэтс багаас мөн гараанд гарсан тоглогчид 10-аас дээш оноо авсан ч хангалтгүй байлаа. Тоглолтын эцсийн мөчид К.Дюрантын шидэлт эйрболл болж баг нь хожигдов.
23°C
Сэтгэгдэл (0)
Сэтгэгдэл бичигдээгүй байна