НБА-н плэй-оффын Дорнод бүсийн аваргын төлөөх тоглолт эхлэлээ. Бүсийн аваргын төлөө Атланта Хаукс болон Милоуки Бакс нарын цувралын эхний тоглолт болж 116-113 харьцаагаар Атланта эхний хожлыг авсан байна. Атлантагаас Т.Янг 48 оноо авсан нь түүний замналын хамгийн өндөр оноо байлаа. Түүнээс өмнө Атланта Хаукс багаас Д.Уилкинс 1988 оны плэй-оффын цувралд Милоуки Бакс багийн эсрэг 43 оноо авсан нь тус багийн плэй-оффт авсан хамгийн өндөр оноо байжээ.
Тэрээр 48 оноо, 11 дамжуулалт, 7 удаа самбараас бөмбөг авсан бол Ж.Коллинс 23 оноо, К.Хартер 13 оноо, К.Капела 12 оноо авсан. Гараанд гарсан бүх тоглогчид нь талбайд дээр + үзүүлэлттэй байсан бөгөөд хамгаалалт, довтолгоо аль аль нь сайн байсан. Тэгвэл өрсөлдөгч Милоуки Бакс багаас Яннис 34 оноо, Ж.Холидэй 33 оноо, К.Миддлетон 15 оноо, сэлгээнээс Б.Форбс 11 оноо авсан байна.
22°C
Сэтгэгдэл (0)
Сэтгэгдэл бичигдээгүй байна