НБА-н Дорнод бүсийн аваргын төлөөх цуврал 2-2 болж тэнцлээ. Өнөөдрийн тоглолтод Атланта Хаукс баг 110-88 харьцаагаар Милоуки Бакс багийг хожсон. Атлантагаас энэ өдрийн тоглолтод Т.Янг, К.Пол нар бэртлийн улмаас оролцоогүй ч талбайд гарсан тоглогчдоос 6 тоглогч 10-аас дээш оноо авсан. Л.Уильямс 21 оноо авч багаа тэргүүлсэн бол Б.Богданович 20, К.Хартер, Э.Капела нар тус бүр 15 оноо авсан бол К.Рэддиш 12, Д.Галлинари 10 оноо авчээ. Тэдний өрсөлдөгч Милоуки Баксаас Ж.Холидэй 19 оноо, К.Миддлетон 16, Яннис 14 оноогоор тэргүүлсэн. Гэхдээ энэ өдрийн тоглолтод Яннис Антэтокунмпо самбарт үсрээд буух үедээ өвдгөө бэртээж тоглолтыг орхисон. Урьдчилсан байдлаар шөрмөсний суналт гэсэн онош гарсан бөгөөд нарийвчилсан шинжилгээний дараа цувралд эргэн ирэх эсэх нь тодорхой болно.
Сэтгэгдэл (0)
Сэтгэгдэл бичигдээгүй байна