Европын хөлбөмбөгийн АШТ-ний хагас шигшээд өрсөлдөх багууд бүрэн тодорлоо. Испани, Италийн шигшээ багууд хагас шигшээд шалгараад байсан бол урьд шөнө Англи, Данийн шигшээ багууд хагас шигшээд өрсөлдөх эрхтэй болсон байна.
Украин 0-4 Англи
Гоол: Х.Кейн 4’, 50’, Х.Магуэр 46’, Ж.Хендерсон 63’
Украйн: Х.Бущан, И.Забарный, С.Кривцов (В.Цыганков 36’), Н.Матвиенко, А.Караваев, Н.Шапаренко, С.Сидорчук (Е.Макаренко 64’), А.Зинченко, В.Миколенко, А.Ярмоленко, Р.Яремчук
Англи: Ж.Пикфорд, К.Уокер, Ж.Стоунс, Х.Магуэр, Л.Шоу (К.Триппер 65‘), К.Филиппс (Ж.Беллингэм 65‘), Д.Рис (Ж.Хендерсон 57’), Ж.Санчо, М.Маунт, Р.Стэрлинг (М.Рашфорд 65‘), Х.Кейн (Д.Калверт-Лювин 73’)
Залуу бүрэлдэхүүнтэй Английн шигшээ баг “чимээгүй” урагшилсаар. Хэсгийн шатнаас дэд байраар шалгарахад эргэлзэгч нар байсан ч хасагдах шатны шөвгийн 16-д Германы залуусыг буулгаж авсан нь “Залуу арслан”-гууд руу хөлбөмбөг сонирхогчдын анхаарал хандаж эхэлсэн. Дунд шөвөгт Украиныг илт илүүрхэг 4 гоолыг оруулж, хаалгандаа гоолгүйгээр хожил байгууллаа. Энэ Европын аваргын турш хаалгандаа ердөө ганц гоол алдаад байгаа “Залуу арслан”-гуудаас энэ өдөр багийн ахлагч Х.Кейн дубль хийсэн бол төвийн хамгаалагч Х.Магуэр болон дэд ахлагч Ж.Хендерсон нар тус бүр агаарын тулаанд ялалт байгуулан толгойгоороо мөргөж гоол оруулсан. Одоо тэдний дараагийн өрсөлдөгч нь Ютландын хойгийн Данийн шигшээ баг.
Чех 1-2 Дани
Гоол: П.Шик 49’, Т.Дилейни 5’, К.Дольберг 42’
Шар хуудас: М.Крменчик 84’, Т.Калас 86’
Чех: Т.Вацлик, В.Цоуфал, О.Челустка (Я.Брабец 65’), Т.Калас, Я.Боржил, Т.Голеш (Я.Янкто 46’), Т.Соучек, Л.Масопуст (М.Крменчик 46’), А.Барак, П.Шевчик (В.Дарида 79’), П.Шик (М.Выдра 79’)
Дани: К.Шмейхель, А.Кристенсен (Й.Андерсен 82’), С.Кьер, Я.Вестергор, Й.Ларсен (Д.Васс 71’), П.Хейбьерг, Т.Дилейни (М.Йенсен 81’), Й.Мехле, М.Дамсгор (К.Нёргор 60’), К.Дольберг (Ю.Поульсен 59’), М.Брейтуэйт
Чехийн шигшээ баг эргэн ирэлт хийх гэж хичээсэн ч чадалгүй хожигдож гэртээ буцлаа. Данийн шигшээ баг ердөө эхний 5 дахь минутад тэргүүллийг авсан. Й.Ларсены гүйцэтгэсэн булангийн цохилтыг Т.Дилейни мөргөн гоолдсон. Тоглолтын эхний хагас дуусахтай зэрэгцэн К.Дольберг хөндлөн дамжуулалтыг гоол болгож Данийн шигшээ баг 2-0 харьцаатай тэргүүллийг авсан. Тоглолтын сүүлийн хагаст Чехээс П.Шик ээлжит гоолоо оруулж итгэл найдварын дөлийг асаасан ч бадрааж чадалгүй тоглолт өндөрлөсөн. Ингээд Данийн шигшээ баг хагас шигшээд шалгарч байна.
Сэтгэгдэл (0)
Сэтгэгдэл бичигдээгүй байна