2021/08/06
USD 2,811

Италийн шигшээ баг 4 дэх удаагаа финалын шатанд шалгарлаа


Европын аваргын хагас шигшээ шатны эхний тоглолт Итали болон Испанийн шигшээ багуудын хооронд боллоо. Тоглолт үндсэн цагт 1-1 харьцаатай тэнцсэн бөгөөд нэмэлт 30 минутанд гоолын харьцаа өөрчлөгдөөгүй тул 11 метрийн цохилтоор ялагч тодорсон. 11 метрийн цохилтоос Италийн хаалгач Ж.Доннарумма 4 цохилтоос хоёрыг нь хаасан бол Испанийн хаалгач У.Симон 5 цохилтын нэгийг л амжилттай хаасан. Ингээд Италийн шигшээ баг Европын аваргын финалын шатанд 4 дэх удаагаа шалгарлаа. Өмнө нь 1968, 2000, 2012 оны финалын шатанд шалгарахдаа 1968 онд аваргын алтан медалийг хүртэж байсан. Италичууд 4 дэх финалын шатандаа Англи болон Данийн шигшээ багуудтай тоглоно.

Итали 1-1 (4-2) Испани

Гоол: Ф.Кьеза 60’, А.Мората 80’

Шар хуудас: Р.Толой 97, Л.Бонуччи 118’, С.Бускетс 51’

Итали: Ж.Доннарумма, Эмерсон (Р.Толой 74‘), Ж.Кьеллини, Л.Бонуччи, Ди Лоренцо, М.Верратти (М.Пессина 74‘), Жоржиньо, Н.Барелла (М.Локателли 85‘), Л.Инсинье (А.Белотти 85‘), К.Иммобиле (Д.Берарди 62‘), Ф.Кьеза (Ф.Бернардески 107‘)

Испани: У.Симон, Ж.Альба, Э.Лапорте, Э.Гарсия (П.Торрес 109‘), Аспиликуэта (М.Льоренте 85‘), Педри, С.Бускетс (Т.Алкантара 105‘), Коке (Родри‘), Ф.Торрес (А.Мората 80‘), Д.Ольмо, М.Ояазабаль (Ж.Морено 70‘)

 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.96
Англи болон Данийн шигшээ багуудын хожсонтой нь тоглоно гэж бичээч ээ, Зариг аа! Юу бичиж байгаагаа өөрөө ойлгодог юм уу!
Хариулах