Мэргэжлийн талбайн теннисний хамгийн нэр хүндтэй дөрвөн Их дуулга тэмцээний нэг болох зүлгэн гадаргуутай талбайн Уимблидоны хагас шигшээд өрсөлдөх теннисчид тодорлоо.
Сарын дараа 40 нас хүрч буй, Их дуулга тэмцээний 20 удаагийн цомын эзэн, “Швейцар цаг” хочит алдарт Р.Федерер дунд шөвөгт Польшийн 24 настай Х.Хуркачтай тоглож гурван сетэд 3-6, 6-7, 0-6 харьцаатай хожигдож тэмцээнээ өндөрлүүллээ. Энэ цаг үед өөрөөсөө олон дүү залуустай хүчтэй өрсөлдөөнийг үзүүлж дунд шөвөгт шалгарсан алдарт Р.Федерерийн эрин үе дуусах шатандаа ороод байна. Үүнийг ч илтгэх мэт Польш залуутай хийсэн тоглолтын сүүлийн сетэд ганц ч гэйм авч чадалгүй хожигдсон нь нэгийг өгүүлэх мэт. Уимблидоны Их дуулгад 8 удаа түрүүлж байсан Р.Федерерийн магадгүй сүүлийн Уимблидон байхыг үгүйсгэхгүй юм. Алдарт Р.Федерерийг хожсон Польш залуу Х.Хуркач анх удаагаа Их дуулга тэмцээний хагас шигшээд шалгарч байна. Тэрээр хагас шигшээд Италийн залуу теннисчин М.Берреттинитэй тоглох бол нөгөө талд Н.Жокович, Д.Шаповалов нар тоглоно. Тэмцээний аварга ням гарагт явагдана
23°C
Сэтгэгдэл (0)
Сэтгэгдэл бичигдээгүй байна