Бүтэн сарын турш үргэлжилсэн Европын аварга шалгаруулах хөлбөмбөгийн тэмцээн өндөрлөлөө. Тэмцээний шувтрагын тоглолт алдарт Уэмбли цэнгэлдэх хүрээлэнд болж Италийн шигшээ багийн ялалтаар өндөрлөжээ.
Тоглолтын эхний гоолын Английн шигшээ багаас Л.Шоу оруулсан. Гэвч Англичууд Европын аварга болох боломжоо 67 дахь минутад алдаж Италичууд Л.Бонуччигийн гоолоор тооны харьцааг тэнцүүлсэн. Ингээд үндсэн цаг болон нэмэлт цагт гоол ороогүй бөгөөд хөлбөмбөгийн хамгийн эгзэгтэй агшин болох 11 метрийн цохилтоор ялагчийг тодруулах болсон. Англичууд энэ удаа 11 метрийн цохилтонд тун хангалтгүй байсан бөгөөд ялангуяа багийн залуу тоглогчдоор шийдвэрлэх цохилтыг хийлгэсэн нь ялагдлын нэг шалтгаан байсан болов уу? 11 метрийн цохилтыг Италичуудаас 5 цохилтын 3-г нь хийсэн бол Англичууд 5 цохилтын 3-г ингэхдээ сүүлийн 3 тоглогчид болох М.Рашфорд, Ж.Санчо, Б.Сака гэсэн залуучууд хариуцлагатай албыг гүйцэтгэж чадсангүй. Ингээд Италичууд 1968 оны ЕАШТ-ний алтан медалиа 53 жилийн дараа ихэрлүүлсэн бол Ангилчууд анх удаагаа тивийн аваргынхаа финалд шалгарлаа.
Итали 1-1 (3-2)Англи
Гоол: Л.Шоу 2’, Л.Бонуччи 67’
Итали: Ж.Доннарумма, ди Лоренцо, Л.Бонуччи, Ж.Кьеллини, Эмерсон, Н.Барелла, Жоржиньо, М.Верратти, Ф.Кьеза, Ч.Иммобиле, Л.Инсинье
Англи: Ж.Пикфорд, К.Уокер, Ж.Стоунс, Х.Магуэйр, Л.Шоу, К.Филлипс, Д.Рис, Б.Сака, М.Маунт, Р.Стэрлинг, Х.Кейн
Сэтгэгдэл (0)
Сэтгэгдэл бичигдээгүй байна