2021/07/27
USD 2,811

Архангай аймгийн Засаг даргыг огцруулсан шийдвэр хууль бус гэв


Архангай аймгийн ИТХ ээлжит бусаар хуралдаж, Засаг даргаа огцруулав. Ингэхдээ нийт 39 төлөөлөгчийн 21 нь уг хуралд оролцож, 20 хүний саналаар Засаг дарга Д.Золжаргалыг огцруулсан юм. Тус аймгийн ИТХ-ын 39 төлөөлөгчийн 20 нь АН-ын төлөөлөгч, 19 нь МАН-ын төлөөлөгч бөгөөд тус аймагт АН засаглаж байсан ч ийнхүү АН-аас томилогдсон. Засаг даргаа огцруулах хуралд АН-аас гуравхан төлөөлөгч оролцож, намынхаа эсрэг санал өгч "урвагч" гэх нэрийг зүүжээ. Урвагчдын саналын гороор Ардчилсан засаг дарга Д.Золжаргал ийнхүү огцорсон аж. Харин өнөөдөр Ардчилсан намын бүлэг мэдэгдэл хийж уг огцруулах шийдвэр хүчингүй, хууль бус хурал, тиймээс АН бүлэг хуралд оролцоогүй гэв.

Бүлгийн дарга Ч.Мөнхбат сэтгүүлчдэд өгсөн мэдээлэлдээ "Энэ хурал нь Нэгжийн хууль зөрчиж, хууль бусаар хуралдсан тул аймгийн Засаг даргыг огцруулах шийдвэр нь хүчин төгөлдөр биш. Тодруулбал, аймгийн иргэдийн Төлөөлөгчдийн Хурлын нэр бүхий 14 төлөөлөгчийн гарын үсэг бүхий 2021 оны 05 дугаар сарын 21-ний өдрийн аймгийн Засаг даргыг огцруулах тухай албан бичигт дурьдагдсан үндэслэлүүд нь хууль зөрчсөн эсэх нь тогтоогдоогүй. Мөн Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 32 дугаар зүйлийн 32.6 дахь заалт “Хурлын төлөөлөгчдийн гуравны нэгээс доошгүй нь Засаг даргыг огцруулах саналд гарын үсэг зурж Хурлын даргад өргөн мэдүүлснээс хойш Хурал 15 хоногийн дотор уг саналыг хуралдаанаараа хэлэлцэж олонхийн саналаар шийдвэрлэнэ" гэх заалтыг зөрчиж хуулийн хугацаанд хуралдуулаагүй. Иймд Ардчилсан намын бүлэг хууль бус хэмээн үзэж, 2021 оны 07 дугаар сарын 20-ны өдөр зарлагдсан аймгийн Иргэдийн Төлөөлөгчдийн хурлын ээлжит бус хуралдаанд оролцохгүй байхаар шийдвэрлэсэн. Энэ хурал нь МУЗЗНДНТУТХ буюу нэгжийн хууль зөрчиж, хууль бусаар хуралдсан тул аймгийн Засаг даргыг огцруулах тухай гаргасан шийдвэр нь хүчин төгөлдөр бус. Хууль бус учраас бид тус хуралд оролцоогүй” гэв.
Мөн тэрбээр, дэлхий нийтээр цар тахлын халдвартай тэмцэж буй хүнд цаг үеийг далимдуулан улстөржилт хийж байгаад харамсалтай байна гэсэн юм. Харин намынхаа эсрэг гарын үсэг зурсан хүмүүсийн өмнөөс би хариулах боломжгүй. Гэхдээ намд дүрэм журам гэж бий. Түүний дагуу гишүүддээ хариуцлагаа тооцох байх гэж бодож байна. Хуулийнхаа хүрээнд үндэслэлгүй, хууль зөрчсөн нь нотлогдоогүй асуудлаар хуралдсан хурал байлаа. Мөн нэгжийн хуулиа зөрчсөн хурал болсон. Түүнчлэн Засаг даргын түргэвчилсэн шинжилгээ эерэг гарсан байна. Эхнэр нь, ээж нь, хоёр хүүхэд нь халдвар авсан байгаа. Өөрийгөө тусгаарласан үед нь ийм шийдвэр гарна гэдэг их харамсалтай гэв.


Сэтгэгдэл (15)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.64
Энэ Монгол улсыг хэдэн муу улс төрийн бөөснүүд ядуурал доройтолд оруулаад дууслаа яасан ч их улс төрждөг үхдэлүүд вэ.
Хариулах
126.124.240.27
https://www.facebook .com/104383138173582 /posts/2326099220175 69/ Энэ шүүх хуралд ялсан нь огцрох шалтгаан боллоо доо. Мэдлэг боловсролтой, зөв хүнийг дэмждэггүй. Танк хүлэгчид болж таарлаа.
Хариулах
202.126.89.228
8 жилийн дараа гэр бүлтэй болоод нутагтаа очтол хүсэж хүлээж бсан байгаль бсан ч аймгийн төвийн хөгжил үнэхээр бараан бсан. Битүүхэндээ ичсэн шүү. Юм хийх цаг нь ирсэн бна лээ арай л хоцрогдмол бсан.
Хариулах
202.9.46.169
Хотоос очсон хүнээр яах юм бэ, Нутагтаа амьдардаг хүн тавих хэрэгтэй
Хариулах
202.126.89.34
мэдлэг боловсролтой хүнээр төрийн ажлыг хийлгсэн нь дээрээ өмнө нь малын эмч бөх гэсэн хүмүүс удирдаад байсан одоо тэгээд бас л малын эмч бөх нь дахиад самарах уу нэг л их дарга болж ууж идэх гэсэн хүмүүсийн ажил
Хариулах
192.82.85.189
Тэр төлөөлөгч өөрийн толгойтой л хүмүүс юм даа . Аль хавраас яригдаад байсан арга саам хийж өдий хүрсэн бүтэхгүй бас нэг архичин
Хариулах
202.126.88.143
Золоо дарга саяхан л очсон ЗД
Хариулах
203.91.115.56
Тэр Өсөхбаяр гэж нэг хулгайч олон жил хагарталаа идэж ууж бна одоо болиоч хагарлаа
Хариулах
203.91.115.49
Ер нь нэг иймэрхүү үйлдэл болохоор дараа нь дандаа хууль бус гэж байхын... анхнаасаа хууль ёсны юм хийчхэж болдоггүй л юм байх даа
Хариулах
66.181.161.39
Архангай шиг хоцрогдсон аймаг тун цөөн. Аймгийн төв нь гэхэд л хөгжөөгүй. Засаг муу учраас л тэр шдээ тийм учраас солих шаардлагатай бол солих л хэрэгтэй.
Хариулах
66.181.190.90
TANK huldeg nutgiihan uursduu medej baigaa biz.negent ogstruulsan bol tegeed albaa zugeer ugchih heregtei sht.gonshignood zugeer kk
Хариулах
202.9.41.25
Төлөөлөгч нар огцруулах бүрэн эрхтэй
Хариулах
103.80.210.183
хуульчид л хамгийн их хууль зөрчиж байна. цагдаа бол байнга дүрэм зөрчөөд урсгал сөрөөтэй улаан гэрлээр гараастай. дуртай газраа зогсоостой.
Хариулах
150.129.141.47
АН ын 2 төлөөлөгч шудрага сайн байна.Үнэхээр ажлаа хийх боломжгүй /чадахгүй /бол огцруулж болно шүү дээ. Арга хэмжээ авч туйлширч болохгүй. Энэ 2 төлөөлөгч ямарч байсан өөрийн гэсэн толгойтой л хүмүүс байна
Хариулах
64.119.24.243
нэг их хууль ярьсан новшнууд хуулийг хэзээ мөрдөж байсан юм бэ
Хариулах