CNN агентлагийн сэтгүүлчид олон сар үргэлжилсэн явцад гэмт этгээдүүд АНУ руу ашигласан нитрил бээлийг ариутгасан гэж олноор нь оруулж ирдэг байсныг илрүүлсэн байна. Нийтдээ америкчуудын эрүүл мэндэд ноцтой аюул учруулж болох хэдэн арван сая бээлийн тухай яригдаж байгаа аж. Ашигласан бээлийг шинэ гэж мэдүүлэн оруулж ирдэг байсан мэдээний дагуу АНУ болон Тайландын эрх баригчид мөрдөн байцаалт эхлүүлсэн байна.
Сэтгүүлчид ашигласан бээлийний луйвар хийдэг байсан компанийн нэрийг хүртэл “Paddy the Room” тодруулж өгсөн нь албан ёсны мөрдөн байцаалтад тус болох нь гарцаагүй. CNN-ийн мэдээлж буйгаар анх энэ оны хоёр ба гуравдугаар сард Америкийн нэгэн компани Тайландаас чанарын шаардлага хангахгүй өмнө нь ашиглагдсан бохир бээлий хэд хэдэн багцыг хүлээн авсан тухайгаа АНУ-ын Хил ба гаалийн алба, Эмийн бэлдмэл ба бүтээгдэхүүний чанарын удирдах газар тус тус гомдол мэдүүлж байсан юм байна. Үүний дараа Тайландаас бохир, цусны толботой бээлийг нэг удаагийн ариутгасан гэж хүлээж авсан компани ахин хэд хэдэн гарч ирснийг CNN мөн нэр заажээ.
Улмаар CNN-ийн сэтгүүлчид энэ хэргийн талаар мөрдлөг явуулаад өнгөрсөн жил эмнэлгийн бээлийний хэрэгцээ огцом өсөх үед Зүүн Өмнөд Азид бүртгэлтэй зарим компаниуд ийм бохир бизнес эрхэлж байсныг тогтоосон байна. Эдгээр бээлийнх ихэнхийг тус бүс нутагт үйлдвэрлэдэг учраас гэмт этгээдүүд тэндээсээ ашиглагдан хаягдах ёстой байсан бээлийг цуглуулан шинэ гэж нийлүүлэх болсон байна. CNN-ийн мэдээж буйгаар дээр нэр гарсан “Paddy the Room” компани нь ашиглагдаж хаягдах ёстой байсан нитрил бэлийг угааж, нүдэнд харагдах хир буртгаас нь арилгадаг байж. Ийм замаар цэвэрлэсэн бохир бээлийг энэ оны зургаадугаар сар хүртэл АНУ-д нийлүүлж байсан бөгөөд хэдэн арван сая бээлий нийлүүлж амжсан аж.
Сэтгэгдэл (0)
Сэтгэгдэл бичигдээгүй байна