МИАТ Франкфуртын чиглэлд зогсолтгүй шууд нислэг хийж эхэллээ

Үндэсний Агаарын Тээвэрлэгч МИАТ ТӨХК нь зорчигч, үйлчлүүлэгчдийнхээ аюулгүй байдал, нислэгийн тав тухыг хангаж ажиллахыг эрхэмлэн ФРАНКФУРТ чиглэлийн нислэгээ алслалт өндөртэй Боинг 767-300ER агаарын хөлгөөр үйлдэхээр боллоо. Ингэснээр дээрх чиглэлд зогсолтгүй шууд нисэх боломж бүрдэж байна.

ОХУ, Украин улсын хооронд үүсээд буй нөхцөл байдалтай холбогдуулан Франкфуртын чиглэлийн нислэг тойруу замаар буюу нийт нислэгийн үргэлжлэх хугацаа дунджаар 12 цаг болон өөрчлөгдөж байна.

МИАТ ТӨХК нь аюулгүй байдал, аюулгүй ажиллагаандаа онцгой анхааран Европын Холбооны Улсуудын Нисэхийн Аюулгүй Байдлын Агентлаг (EASA), Олон Улсын Агаарын Тээвэрлэгчдийн Холбоо (IATA)-ноос гаргасан зөвлөмжийг үйл ажиллагаандаа тусган ажиллаж байна.