Найруулагч М.Батболдыг Ф.М.Достоевскийн нэрэмжит медалиар шагнана

Найруулагч М.Батболдыг Ф.М. Достоевскийн медалиар шагнахаар болжээ “Орфей” театрын найруулагч Мягмарнарангийн Батболдыг “Агуу зохиолч Ф.М. Достоевскийн медаль”-аар шагнахаар болжээ.

ОХУ-ын Соёлын яамнаас их зохиолчийн мэндэлсний 200 жилийн ойг тохиолдуулан гаргасан “Великий русский писатель Ф.М. Достоевский 1821-2021” хэмээх энэхүү медалийг улс орондоо Ф.М. Достоевскийн өвийг түгээн дэлгэрүүлэхэд онцгой хувь нэмэр оруулсан хүмүүст хүртээж буй ажээ.

Найруулагч М.Батболд Монгол Улс болон ОХУ-ын хооронд дипломат харилцаа тогтоосны 100 жилийн ой болон зохиолч Ф.М. Достоевскийн мэндэлсний 200 жилийн ойг тохиолдуулан романаас нь сэдэвлэсэн “Гэм зэм” жүжгийг найруулан тавьсан нь үзэгчдийн талархлыг хүлээсэн билээ. Дашрамд дуулгахад, “Гэм зэм” жүжиг гуравдугаар сарын 27 хүртэл Улаанбаатар дахь “Руский Дом” буюу Оросын шинжлэх ухаан, соёлын төв (РЦНК)-ийн тайзнаа тоглогдож байгаа билээ.

Эх сурвалж: Орфей