Хятадын өмнөд хэсэгт осолдсон онгоцны зорчигчдын цогцсыг аврагчид хараахан олоогүй байна

Хятадын өмнөд нутагт осолдсон Boeing 737 онгоцны сүйрлийн газар очсон аврагчид зорчигчдын цогцос олж чадаагүй тухай Хятадын төв телевиз мэдээлжээ. Хэргийн газар очсон аврагчид “Хараахан сураггүй алга болсон хүмүүсийн цогцсыг олоогүй байна” гэжээ. Одоо үрэгдсэн зоригчдыг хайх ажил үргэлжилж байгаа ч онгоц унасан газар нь өндөр уулын бүс нутаг, түүнчлэн тухайн хэсэгт онгоц унасны дараа ойн хүчтэй түймэр дэгдсэн нь хайгуулын ажлыг ихээхэн хүндрүүлж байгаа ажээ.

 Сүйрсэн онгоцонд 123 зорчигч, багийн 9 гишүүн байжээ.