Монголбанкны Ерөнхийлөгч Хөгжлийн банкны асуудлаарх сонсголд оролцож байна

Монгол Улсын Хөгжлийн Банкнаас санхүүжүүлсэн төсөл, хөтөлбөрийн хэрэгжилтэд хяналт тавьж, шалгалт хийсэн талаарх холбогдох эрх бүхий байгууллагуудын тайлан, мэдээлэлтэй танилцах ерөнхий хяналтын сонсгол Төрийн ордонд болж байна. Тус сонсголд Монголбанкны Ерөнхийлөгч Б.Лхагвасүрэн оролцож УИХ-ын гишүүдэд мэдээлэл өглөө. Тэрбээр сонсгол эхлэх үед мөн Төрийн ордонд болж буй“ Ногоон санхүүжилт-Бүс нутгийн чуулган 2022” олон улсын форумд оролцож байсан бөгөөд уг арга хэмжээний талаар урьдчилж мэдэгдсэн байсныг УИХ-ын гишүүн Ж.Бат-Эрдэнэ нээлттэй сонсголд оролцогсдод мэдээлсэн юм. Монгол Улсын Ерөнхийлөгчийн санаачилгаар зохион байгуулагдаж буй энэхүү олон улсын форумд бодлого тодорхойлогчдоос гадна НҮБ, олон улсын санхүүгийн байгууллагууд болон тогтвортой хөгжил, хөгжлийн эдийн засгийн чиглэлийн олон улсын мэргэжилтнүүд оролцож байна.