КАРЬЕРИЙН НУУРАНД ХОЁР ХҮҮХЭД АМЬ НАСАА АЛДЛАА

Хүүхдийн зуны амралт эхэлсэнтэй холбогдуулан арван жилийн сурагчид найз нөхөд, анги хамт олноороо нийлж, зугаалах, байгальд аялах нь нэмэгддэг. Ийнхүү аялж, зугаалж байхдаа гол усанд осолдох, болгоомжгүй байдлаас болж гал алдах гэх мэт аюулд өртдөг билээ. Тиймээс эцэг эхчүүд хүүхэддээ болзошгүй аюулаас урьдчилан сэргийлж, сэрэмжтэй байхыг анхааруулж, болж өгвөл найз нөхөд, хамт олноор нь том хүний хараа хяналтгүй явуулахгүй байх шаардлагатай юм.

Өчигдөр гэхэд цагдаагийн байгууллагад 15, 10 насны хоёр хүүхэд нууран живж амиа алдсан хэрэг гарчээ. Тодруулбал, Баянзүрх дүүргийн 17-р хороонд оршин суур 15 настай эрэгтэй Т, 10 настай эрэгтэй Х нар нь ХУД-ын нутаг дэвсгэрт байрлах "Карьер"-ийн нууранд живж, амь насаа алдсан байна.

Н.Батаа