Нийслэлд амьдрах орчны аюулгүй байдал алдагдсан 4700 орчим байршил байна

М.Төгөлдөр

2022/07/07

Нийслэлийн Засаг даргын зөвлөлийн хурал боллоо. Өнөөдрийн хурлыг Нийслэлийн Засаг даргын эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн удирдан зохион байгуулав. Хурлаар Барилгын салбарт мөрдөж буй стандарт норм дүрмийг шинэчлэх, хэрэгжилтийг сайжруулах тухай хэлэлцлээ.

Нийслэлийн хэмжээнд барилга барьж эхлэхээс ашиглалтад өгөх хүртэлх хугацаанд нийтдээ 33 хууль, 26 дүрэм, 86 стандарт мөрдөгдөж байна. Харин нийслэлийн нутгийн захиргааны байгууллага үйл ажиллагаандаа 702 стандарт, 619 норм, дүрэм, 57 журмыг мөрдөж ажиллаж байна. Нийслэлийн нутгийн захиргааны байгууллагын холбогдох ажилтнуудаас нийтдээ 219 стандарт, 80 барилгын норм, дүрмийг шинэчлэх, 39 стандартыг шинээр боловсруулах санал гарчээ. Саналуудыг нэгтгэн хянаж, 86 үндэсний стандарт, барилгын 80 норм, дүрмийг шинэчлэн боловсруулахаар Стандарт хэмжилзүйн газар, Барилгын хөгжлийн төвд саналаа хүргүүлжээ.

Өнөөдрийн байдлаар нийслэлийн хэмжээнд иргэдийн амьдрах орчны аюулгүй байдал алдагдсан 4700 орчим байршил байгаагаас нийтийн эзэмшлийн зам талбай, орц гарц, хүүхдийн тоглоомын талбай, СӨХ-дын эзэмшил газар зэрэг байршлууд давамгайлж байгаа аж. Асуудлыг шийдвэрлэхийн тулд Хот байгуулалтын тухай хуульд нэмэлт өөрчлөлт оруулах шаардлага тулгамдаж буйг Хотын стандарт, хяналтын газрын дарга С.Төмөрдулам тодотгов.

Нөгөөтээгүүр, барилга байгууламж, зураг төслийн чанарыг дээшлүүлэх, бүтээн байгуулалтын ажлын хяналтыг сайжруулах, тохижилт бүтээн байгуулалтын зураг төслийг нийслэлийн холбогдох байгууллагуудтай зөвшилцөх зэрэг саналыг мөн хэлж байлаа.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

192.82.70.125

2022/07/07

хэдэн арван жилээр зуслангийн амыг өмчлөн авсан компаниудаа цэгцэлж и энгийн иргэдийг уул модонд нь аялуулаач. мод руу орох боломжгүй бүслээд хашаа барьчихсан . Тэр Шарга морьтын зуслангийн Оросын пионерын зуслан руу явах зам дээр хүмүүсийн луйварчдын эдлэн газар болчихоод Сүхбаатар дүүргийн газрын алба нь тэдэнд мал нохой мэт үйлчлээд улсын хуулийг уландаа гишгэж байгааг хардгүй хотын дарга тэр газрын албаны хэдэн түшмэд ямар учиртай юм бэ?ч

Хариулах

202.55.188.105

2022/07/07

хүүхдийн тоглоомын талбай дээр барих гээгүй олон жилийн өмнө дахин төлөвлөлтөнд багтсан гэр хорооллын газар ашгүй чанартай баридаг өөр kомпани тэр хавийг хот төлөвлөлтийн дагуу барилгажуулахаар айлуудтайгаа тохирч ажилаа эхлэх гэтэл олон жилийн өмнөх хэрэгжээгүй төслийн өмнөх kомпаний гэрээ зөвшөөрөл цуцлагдаагүй гээд зөвшөөрлийг н олгохгүй байх. Өдий болтол хийгээгүй ажилыг яагаад цуцалж хүчингүйд тооцоогүй бдаг юм бэ. Ямар ашиг сонирхол хотын хөгжлийг ингэж хойш татаж иргэдийг утаагүй цэвэр орчинд амидрах эрхийг зөрчөөд бж болдог бна?

Хариулах

202.55.188.105

2022/07/07

гэр хорооллыг барилгажуулах гэсэн kомпани ажилаа эхлэх зөвшөөрлөө авч чадахгүй байсаар энэ жил иргэд дахиад утаандаа өнжих болж байх шиг бна. Ман гараад мандуулна гэсэн яасан.

Хариулах