Д.Сумъяабазар: Үүх түүх, өв соёлоо эрхэмлэн дээдлэгч бүхэнд улсын наадмын мэнд хүргэе

М.Төгөлдөр
2022/07/10

Монгол эх орныхоо үүх түүх, өв соёлыг эрхэмлэн дээдлэгч эрхэм хүндэт монголчууд аа!

Дэлхийн өнцөг булан бүрд монгол ёс заншил, наадам цэнгүүнээ таниулан сурталчилж, ёслол төгөлдөр тэмдэглэж буй монгол ахан дүүс ээ!

Та бүхэндээ Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баярын мэндийг хүргэж, баяр наадмын ерөөл өргөе.

Эрт эдүгээ цагийн өв соёлын хэлхээ, эх орон, тусгаар тогтнолын маань бэлгэдэл, цэнгэн баярлах сэтгэлийн хөг дуудлага, аав ээж, ах дүү, элгэн саднаа зорин саатахын учир даллага болсон монгол наадам бол зөвхөн монголчууд Та бидний төдийгүй эх дэлхийн үнэт зүйл, хүн төрөлхтний соёлын үнэт өв юм. Үүний баталгаа нь ЮНЕСКО-гоос 2010 онд монгол наадмыг “Соёлын биет бус өв” хэмээн үзэж, соёлын биет бус өвийн хүн төрөлхтний төлөөллийн жагсаалтад бүртгэсэн явдал билээ. Хүннү гүрнээс эх түүх нь бичигдэж, Их Монгол Улсын мандан бадралын сүр хүчийг зарлан тунхаглаж байсан монгол наадмаа улам бүр өрнүүн дэлгэр, ёслол төгөлдөр тэмдэглэх болсон нь эх орноо, өв соёлоо, тусгаар тогтнолоо эрхэмлэн дээдэлж, таниулан сурталчлах мөн чанар, чин хүсэл монгол хүн бүрийн зүрх сэтгэл, оюун бодолд оршиж байсны, оршин буйн илэрхийлэл юм.

Иймд дэлхий нийтийг хамарсан цар тахал “Ковид-19”-ийн улмаас хоёр жил өнжсөн улсын наадмаа ёслол төгөлдөр тэмдэглэж, айл хотол, ах дүүс, нутаг усаараа цэнгэн наадаж, наадан баярлахыг ерөөе. Их зохиолч Дашдоржийн Нацагдоржийн “Эрүүл явбал улсын наадам үзнэ” хэмээн өгүүлсэнчлэн хатуу бэрхийг хамтдаа даван туулсан та бүхэндээ ашид жаргахыг ерөөж, амаргүй цаг хугацаанд эрүүлийг хамгаалахын үйл хэрэгт үнэнчээр зүтгэсэн эмч, эмнэлгийн ажилтан, ажиллагсдадаа, цагдаа, онцгой байдлын албан хаагчдадаа, үүрэг хүлээж ажилласан нийт бие бүрэлдэхүүн, төрийн албан хаагчдадаа талархал илэрхийлж, энх цагийн баатрууддаа улсын баяр наадмын мэндийг хүргэе.

Есөн хөлт цагаан тугаа наадмын хоймортоо залж, ерөөлийн түмэн үгээр баярын сэтгэгдлээ зурахад хүчит бөхчүүдийн мэх уран, шантаст хүлгүүдийн хурд тавиу, цэцэн магнай харваачдын сум мэргэн, шагайн мэргэн харваачдын маань хараа хурц, оноо мэргэн, уухай цээл байх болтугай.

Монгол эх орон минь өнө мөнхөд мөнхжин батжиг ээ.

                             НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧ

                                                              Долгорсүрэнгийн СУМЪЯАБАЗАР


0
angry
0
care
0
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Автозамын хөдөлгөөнийг түр хязгаарлалаа 4 цагийн өмнө
Цасан шуурганы улмаас сураггүй болсон гурван иргэнийг эсэн мэнд олж, 24 иргэний аюулгүй байдлыг хангалаа 4 цагийн өмнө
Тэтгэврийн зээлийг дижиталаар авах боломжтой боллоо 4 цагийн өмнө
"Сэтгүүлч 300 унаж болохгүй юм бол юу унаж болохыг нь хэлээд өгчих, Монголын шүүх хэзээ ингэж шуурхай ажилладаг болчихсон юм бэ" 5 цагийн өмнө
​Н.Өнөрцэцэг: Миний хувь заяа, миний эрх чөлөө, миний бүх юм торны цаана хэн нэгний гарт очиж байна 5 цагийн өмнө
Цаг агаарын аюултай үзэгдлээс сэрэмжлүүлж байна 5 цагийн өмнө
Баасан гарагийн шөнө согтуугаар машин жолоодсон 393 зөрчил илэрчээ 2023/12/02
Сэтгүүлч Н.Өнөрцэцэгийг цагдан хорих эсэхийг шийдэх хурлыг өнөөдөр 19:00 цагт зарлалаа 2023/12/01
Нийслэлийн 2024 оны төсвийн төслийн эхний хэлэлцүүлгийг хийлээ 2023/12/01
МИК ипотекийн зээлээр баталгаажсан ээлжит бонд гарлаа 2023/12/01
Хот хөдөөгийн хөгжлийг хамтатган хэрэгжүүлснээр төвлөрөл саарна гэдгийг онцоллоо 2023/12/01
Ц.Идэрбат: Шүүхэд нөлөөллөө гээд гомдож байгаа бол дуудах хүмүүс нь дуусахгүй олон, тэр бүх хүнийг шалгаач 2023/12/01
Г.Амартүвшин: Хувийн таксичдыг явуулахгүй зөвхөн бүртгэлтэй такси явдаг болох хуулийн өөрчлөлт батлагдлаа 2023/12/01
Иргэн: Нэг хэсэг нь тасарчихсан баян, нөгөө хэсэг нь маш ядуу амьдарч байна, харин шүүмжилсэн нэгнийг буруутгаж байгаа төрд их буруу байна 2023/12/01
Иргэн: Болохгүй, бүтэхгүйг ил ярьсан сэтгүүлчид хэрэг тохох гэж үзэж байгаа нь ард иргэдийн нүдэнд ил байна шүү дээ 2023/12/01
Г.Даваажаргал: Нийслэлийн дээр 80 орчим метр зузаан хүйтэн агаар тогтсон тул утаа хуримтлагдаж байна 2023/12/01
ЭМЯ: Утаанаас сэргийлж амны хаалт зүүхийг уриаллаа 2023/12/01
С.Эрдэнэбаяр: Шүүхийн ерөнхий зөвлөл гомдоод байна шүү дээ. Ийм хямдхан, ийм амархан нөлөөнд автчих шүүхтэй юм уу? 2023/12/01
Ч.Ундрам: Би нийгэмд худал мэдээллээр шүүгдэж байсан шиг Н.Өнөрцэцэгийг яг тэгж шүүж байна, олон асуудлыг гаргаж үр дүнд хүргэдэг сэтгүүлч 2023/12/01
Б.Бат-Эрдэнэ: Шүүхийн танхим руу дайрч ороогүй л бол шүүхэд нөлөөлнө гэж юу байхав, эсвэл тийм хэврэг шүүхтэй болчихсон юм уу 2023/12/01