Боловсрол, шинжлэх ухааны сайд Л.Энх-Амгалан Засгийн газрын хуралдаанаар хэлэлцсэн асуудлын талаар мэдээлэл өглөө.
Тодруулбал, Монгол Улсын үндэсний цахим шуудангийн системийг өнөөдрөөс нэвтрүүлж эхэлж байгаа аж. Ингэснээр төрийн үйлчилгээг иргэдэд хүргэх цахим шуудангийн тогтолцоонд Монгол Улс албан ёсоор шилжиж байгаа юм. Иргэд төрийн үйлчилгээг авахын тулд заавал яам, тамгын газрын үүд сахих шаардлагагүй болж байна.
Мэдээллийн үеэр түүнээс сургуулийн,цэцэрлэгийн бүртгэлийн талаар тодрууллаа.
Нэгдүгээр ангид элсэх хүүхдүүдийн бүртгэлийг энэ долоо хоногоос эхлэхээр төлөвлөжээ. Бүх сургуулийг хамран сургах тойрог гэж зарлахгүй бөгөөд тойргийн бус хүүхдүүдийг авлигаар авдаг 1, 23,11 дүгээр сургуулиуд дээр бүртгэлийг ил тод явуулна гэдгийг БШУ-ны сайд тодотголоо. Ингэснээр хэний хүүхэд тойргийн дагуу бүртгүүлэв гэдгийг эцэг эхчүүд харах боломж бүрдэх аж. Улаанбаатарын хэмжээнд 15 сургууль, 20-иод цэцэрлэгүүд дээр хамран сурах тойргоор нь хүүхэд авна гэсэн үг юм.
Сэтгэгдэл (0)
Сэтгэгдэл бичигдээгүй байна