Түлэнхийн сорвитой хүүхдүүдэд Солонгосын эмч нар үзлэг, оношлогоог үнэ төлбөргүй хийнэ

Түлэнхийн сорвитой хүүхдүүдэд Солонгос, Монгол эмчийн үзлэг зөвлөгөө хийгдэх тул хамрагдах хүсэлтэй хүүхдүүд наймдугаар сарын 20-ны Бямба гаригт өглөө 10 цагаас Жуковын талбайд очихыг Түлэнхийн төвөөс зөвлөж байна. 

Эхэлж очсон 100 хүүхдэд дугаар тарааж үзлэг хийгдэх аж. Зөвхөн 0-16 насны хүүхэд энэхүү үйл ажиллагаанд хамрагдана.

Түлэнхийн тасгаас  эмчилгээ хийлгээд эдгэж гарсан хүүхэд, насанд хүрэгчид дараагийн эмчилгээ буюу түлэгдэлтийн сорвийг нь суллах, хөдөлгөөнтэй үений хэсгүүдэд дахиж арьсаар нөхөлт хийх зэрэг мэс засал хийх шаардлагатай байдаг. 

Түлэгдлийн 98,4 хувь ахуйн нөхцөлд, үүний 82,3 хувь нь монгол гэрт халуун тогоо болон бусад эрсдлээс тохиолддог. Мөн өглөө, оройн хоол хийх үеэр ихэвчлэн бага нас /0-5/-ны хүүхэд түлэгддэг гэсэн судалгаа бий.