Зургаан настнуудын бүртгэл эхэллээ

Төрийн өмчийн ерөнхий боловсролын сургуулийн нэгдүгээр ангид элсэх зургаан настнуудын бүртгэл орон даяар эхэллээ. 

Бүртгэл E-Mongolia  системээр явагдах бөгөөд хүүхдийн оршин сууж буй хаягийн дагуу хамран сургах тойргийнх нь сургуульд урьдчилан хуваарилсан байх юм.

Эцэг эх, асран хамгаалагчид E-Mongolia системд өөрийн бүртгэлээр нэвтэрч,  хүүхдээ бүртгүүлнэ. 

Энэ хичээлийн жилд 78 мянга гаруй хүүхэд нэгдүгээр ангид элсэнэ.

Боловсролын ерөнхий газраас ерөнхий боловсролын сургуулийн нэгдүгээр ангийн бүртгэлд хэрхэн хамрагдах талаар заавар, мэдээлэл өгсөн. Та хүүхдээ цахимаар бүртгүүлэхийн тулд:

• E-Mongolia  системд өөрийн бүртгэлээр нэвтэрнэ.
• Үйлчилгээ  цэсээс "Боловсрол" цонхыг сонгон нээнэ.
• "Төрийн өмчийн ерөнхий боловсролын сургуулийн нэгдүгээр ангийн элсэлтийн бүртгэл" үйлчилгээг сонгоно /Бүртгэл эхлэх өдөр үйлчилгээг олон нийтэд нээлттэй болгоно/.
• Дэлгэцэд таны сургуулийн насны хүүхдүүдийн мэдээлэл гарч ирнэ.
• Сургуульд элсэх хүүхдийнхээ мэдээлэлтэй танилцан, асуултыг бөглөөд үргэлжлүүлэх товч дарна.  Үүний дараа таны хүүхдийн элсэлтийн төлөв харагдана.
• Мэдээллээ дахин нягтлаад баталгаажуулах хэсэгт дарж "Тийм"  товч дарснаар таны хүсэлт амжилттай илгээгдэнэ.

Нэгдүгээр ангийн цахим элсэлттэй холбоотой мэдээллийг дараах утсаар лавлах боломжтой.