Үндсэн хуулийн цэц их суудлын хуралдаанаар Үндсэн хуульд оруулсан нэмэлт, өөрчлөлтийн зарим заалт Үндсэн хуулийн холбогдох заалтыг зөрчсөн эсэх тухай маргааныг хэлэлцээд 02 дугаар тогтоол гаргасан.
Тодруулбал, Монгол Улсын Их Хурлаас 2019 оны 11 дүгээр сарын 14-ний өдөр баталсан Үндсэн хуульд оруулсан нэмэлт, өөрчлөлтөөр өөрчлөн найруулсан Үндсэн хуулийн Гучин есдүгээр зүйлийн 1 дэх хэсгийн “... Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно.” гэсэн заалт нь Үндсэн хуулийн суурь үзэл баримтлалд харшилж, Монгол Улсын Үндсэн хуулийн Удиртгал, Нэгдүгээр зүйлийн 2, Хорин есдүгээр зүйлийн 1, Далдугаар зүйлийн 1 дэх хэсэгт нийцээгүй байх тул хүчингүй болгох тогтоол юм.
Ингэснээр Үндсэн хуулийн уг заалтыг засч Засгийн газрын танхимд УИХ-ын гишүүд сайдаар ажиллах нөхцөл бүрдээд байгаа юм. Үүнтэй холбоотойгоор УИХ-ын ээлжит бус чуулганыг зарлаж, Цэцийн дээрх тогтоолыг хэрхэн хэрэгжүүлэх үү гэдгийг хэлэлцэхээр болсон.
Тиймээс Цэцийн гаргасан тогтоол Үндсэн хуульд нийцсэн эсэх асуудлын хүрээнд Үндсэн хуулийн Цэцийн дарга асан, Академич Ж.Амарсанаатай ярилцлаа. Тэрбээр "Монгол Улсын Үндсэн хуулийн 64 дүгээр зүйлийн хоёрт Үндсэн хуулийн цэц, түүний гишүүн үүргээ гүйцэтгэхдээ гагцхүү Үндсэн хуульд захирагдах бөгөөд аливаа байгууллага, албан тушаалтан, бусад хүнээс хараат бус байна" гэж заасан байдаг. Энэ дагуу ҮХЦ ажлаа хийсэн" гэв.
Сэтгэгдэл (0)
Сэтгэгдэл бичигдээгүй байна