Үндсэн хуулийн цэцээс гаргасан тогтоолыг хэрэгжүүлэхтэй холбоотойгоор УИХ-ын ээлжит чуулганы хуралдаан энэ өдрүүдэд үргэлжилж байна.
Энэхүү тогтоолоор хуулийн хэрэглээний практикт гарч байгаагүй нөхцөл байдал үүссэн тул Улсын Их Хурлын чуулганы хуралдааны дэгийн тухай хууль болон Монгол Улсын Үндсэн хуульд нэмэлт, өөрчлөлт оруулах журмын тухай хуульд нэмэлт оруулж өчигдөр баталсан.
Өнөө өглөө УИХ дахь МАН-ын бүлэг 10хан минут хуралдаад тарсан. Хуралдаанд МАН-ын дарга Л.Оюун-Эрдэнэ оролцож, "Үндсэн хуулиас Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно” гэсэн заалтыг хасах хуулийн төсөлд хариуцлагатай хандаж, саналаа дэмжиж өгч оролцоорой. Хариуцлагагүй болон эсрэг хандсан хүмүүст намаас сахилгын арга хэмжээ авна" гэж шуудхан хэлжээ.
Учир нь Үндсэн хууль, түүнд оруулах нэмэлт, өөрчлөлтийг УИХ-ын нийт гишүүний дөрөвний гурваас доошгүйн саналаар баталдаг учраас давхар дээлтэй холбоотой заалтыг Үндсэн хуулиас хасахад 57-оос дээш гишүүн дэмжиж байж батлагдах юм.
Хуулийн төслийг яг одоо Төрийн байгуулалтын байнгын хороогоор хэлэлцэж байна. Үргэлжлүүлэн УИХ-ын чуулган хуралдана.
Сэтгэгдэл (0)
Сэтгэгдэл бичигдээгүй байна