“Эрдэнэбүрэнгийн усан цахилгаан станц”-ын төслийн ажлыг удаашруулсан Ховд аймгийн Засаг дарга Б.Дүгэржавыг үүрэгт ажлаас нь чөлөөлөх шийдвэрийг Засгийн газар наймдугаар сарын 17-ны өдрийн ээлжит хуралдаанаар шийдвэрлэсэн билээ.
Тэгвэл түүний оронд Ерөнхий сайдын Ахлах зөвлөх бөгөөд Ажлын албаны дарга Э.Болормааг томилох саналыг өнөөдөр /2022.08.25/ МАН-ын Удирдах зөвлөлийн гишүүдээс цахимаар авахад олонх нь дэмжсэн байна.
Э.Болормаа нь эдийн засагч мэргэжилтэй. АНУ-ын Колумбын их сургуульд хөгжлийн бодлогын чиглэлээр Төрийн удирдлагын магистрын зэрэг хамгаалсан. Дэлхийн банк, Ногоон уур амьсгалын сан, Азийн дэд бүтцийн хөрөнгө оруулалтын банк зэрэг олон улсын байгууллагад ажиллаж байсан туршлагатай аж.
Ховд аймгийн Иргэдийн төлөөлөгчдийн хурал маргааш хуралдаж, аймгийн Засаг даргын томилгоог хэлэлцэж, ИТХ-ын шийдвэрийг Ерөнхий сайд баталгаажуулах юм.
Ингэснээр Э.Болормаа нь Ховд аймгийн Эрдэнэбүрэнгийн УЦС-аас гадна хөндлөн хурдны замын ажлыг эхлүүлэх чухал үүрэг хүлээж ажиллахаар болж байна.
Сэтгэгдэл (0)
Сэтгэгдэл бичигдээгүй байна