УИХ-ын Төрийн байгуулалтын байнгын хорооны хуралдаан 57.9 хувийн ирцтэй эхэллээ. Хуралдаанаар Монгол Улсын Засгийн газрын тухай хуульд өөрчлөлт оруулах тухай асуудлыг хэлэлцээд, дэмжлээ.
Улмаар анхны хэлэлцүүлгээр нь батлах горимын саналыг дэмжлээ.
“Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно” гэсэн Үндсэн хуулийн заалт хүчингүй болсонтой холбоотойгоор Засгийн газрын тухай хуулийн 20 дугаар зүйлийн 1 дэх хэсгийн “Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно”. гэсэн гуравдахь өгүүлбэрийг тус хуулиас мөн хасах юм.
Ингэхдээ Засгийн газрын хуульд өөрчлөлт оруулахдаа хуулийн төсөл өргөн барихгүй бөгөөд холбогдох байнгын хорооноос санаачлан хэлэлцэж, УИХ-д оруулдаг хуулийн зохицуулалтай аж.
Сэтгэгдэл (0)
Сэтгэгдэл бичигдээгүй байна