Ерөнхий сайд Л.Оюун-Эрдэнэ Засгийн бүтцэд өөрчлөлт оруулах хуулийн төслөө ирэх Даваа гараг УИХ-ын даргад өргөн барихаар болжээ.
Тодруулбал, Ерөнхий сайд Засгийн газрын бүтэц, бүрэлдэхүүн, түүнд өөрчлөлт оруулах тухай хуулийн төслийг Ерөнхийлөгчтэй зөвшилцөн УИХ-д өргөн мэдүүлэх хуультай.
Энэ удаад Засгийн газрын бүтцэд өөрчлөлт оруулахдаа Шинэ сэргэлтийн бодлогыг хэрэгжүүлэхэд анхаарч боловсруулжээ. Мөн үндэсний нэгдмэл эв эеийг эрхэмлэхэд анхаарсан байна.
Шинэ сэргэлтийн бодлого нь Монгол Улсын эдийн засгийн хараат бус, бие даасан байдлыг бэхжүүлэх, коронавируст халдварын цар тахлын улмаас эдийн засагт үзүүлж байгаа сөрөг нөлөөллийг бууруулах, хөгжлийг хязгаарлагч хүчин зүйлсийг цаг алдалгүй шийдвэрлэж, “Алсын хараа-2050” урт хугацааны хөгжлийн бодлого хэрэгжүүлэх суурь нөхцөлийг бүрдүүлэх, эдийн засаг, дэд бүтэц болон төрийн бүтээмжийг сайжруулах дунд хугацааны зорилтод хөтөлбөр юм.
Сэтгэгдэл (0)
Сэтгэгдэл бичигдээгүй байна