ШУУРХАЙ: С.Одонтуяа, О.Цогтгэрэл, Ш.Адьшаа, Т.Доржханд нар сайдад яригдаж байна

Улс төрийн хүрээнд яригдаж буй Засгийн газрын шинэ бүтэцтэй холбоотой мэдээллийг бид шуурхай хүргэж байгаа билээ. 

Ерөнхий сайд Засгийн газрын бүтэц, бүрэлдэхүүн, түүнд өөрчлөлт оруулах тухай хуулийн төслийг Ерөнхийлөгчтэй зөвшилцөн УИХ-д  ирэх Даваа гаригт өргөн мэдүүлэхээр болсон. Ингэхдээ Засгийн газрын бүтцэд өөрчлөлт оруулахдаа Шинэ сэргэлтийн бодлогыг хэрэгжүүлэхэд чиглэгдэхээс гадна үндэсний нэгдмэл эв эеийг эрхэмлэхэд анхаарч боловсруулжээ. 

 Үндэсний нэгдмэл эв эеийг эрхэмлэх хүрээнд данхагар бүтэцтэй Засгийн газар байгуулж, улс төрийн бусад намын төлөөллүүдийг Засгийн газрын сайдад томилох асуудал яригдаж байна. Одоогоор АН-аас С.Одонтуяа, О.Цогтгэрэл, Ш.Адьшаа, ХҮН-аас Т.Доржханд нарт сайдын суудал өгөхөөс гадна МАХН-ын гишүүдийг мөн Засгийн газрын танхимд оруулах талаар эх сурвалж мэдээллээ. Түүнчлэн УИХ-ын гишүүн Ж.Сүхбаатар, Ш.Раднаасэд нарын нэрс ч дуудлаа. 

Өнөөдөр ТББХ-ны хуралдаанаар  Үндсэн хуулийн цэцийн 2022 оны 01, 02 дугаар тогтоолтой холбогдуулан гаргах УИХ-ын тогтоолын төсөл боловсруулах үүрэг бүхий ажлыг хэсгийг байгуулж, ахлагчаар нь УИХ-ын гишүүн С.Одонтуяаг,  гишүүдээр нь УИХ-ын гишүүн Т.Доржханд, Ж.Мөнхбат, Ж.Сүхаатар нарыг томилсон нь ийм учиртай байжээ.