УИХ дахь АН-ын бүлгийн даргаар сонгогдсон О.Цогтгэрэл УИХ-ын гишүүн Д.Ганбатын өрөөг ажлын өрөөгөө болгохоор өрөөнд нь албан бичиг баримтаа зөөж оруулсан. Гэвч Д.Ганбат гишүүн нь "Ажлын өрөөгөө О.Цогтгэрэл гишүүнд суллаж өгөх шаардлагагүй, АН-ын бүлгийн дарга болохоос өмнө надад хуваарилж өгсөн өрөө" гэдгээ мэдэгдсэн.
Тэгвэл дөнгөж саяхан Д.Ганбат гишүүний өрөөг хамгаалалтын албанаас лацджээ. Учир нь УИХ-ын гишүүн О.Цогтгэрэл хуулийн ном зэрэг цөөн хэдэн бичиг цаасаа Д.Ганбат гишүүний өрөөнд оруулчихсан, мөн нөгөө талд УИХ-ын гишүүн Д.Ганбат "УИХ-ын гишүүний өрөөнд халдлаа" гэсэн гомдлыг УИХ-ын гишүүний халдашгүй байдлын дэд хороонд гаргажээ.
Тус өрөөнд Д.Ганбат, О.Цогтгэрэлийн хоёулангийнх нь өмч байгаа тул асуудал нэг талдаа шийдэгдтэл лацадсан байна.
УИХ-ын гишүүний байрлах өрөөг УИХ-ын Тамгын газраас хуваарилдаг.
Сэтгэгдэл (0)
Сэтгэгдэл бичигдээгүй байна