Засгийн газрын хуралдаанаас гарсан шийдвэрийн талаар ЭЗХ-ийн сайд Ч.Хүрэлбаатар мэдээлэл хийж байна.
Засгийн газрын хуралдаанаар үнийн өсөлт, түүнд нөлөөлж байгаа хүчин зүйлсийн талаар хэлэлцжээ.
ЭЗХ-ийн сайд Ч.Хүрэлбаатар хэлэхдээ Долоон сарын байдлаар инфляцийн түвшин 15.7 хувьтай байсан бол өнөөдрийн байдлаар 14.1 хувь боллоо. Ингэж буурахад мах, хүнсний ногооны үнийн бууралт нөлөөлсөн. Улирлын шинжтэй өөрчлөлт юм. Төлбөрийн тэнцлийн алдагдал 1.3 тэрбум ам.доллар байгаа. Өнгөрсөн жилтэй харьцуулахад 1 тэрбум доллароор төлбөрийн тэнцэл нэмэгдсэн нь төгрөгийн ханшийн сулралт нөлөөлж байна. Монголчууд өөрсдөөс хамаарах бодлогын арга хэмжээг авах замаар үнийн өсөлтийг барих боломжтой. Ялангуяа тээвэр зуучлалд анхаарах үүрэг чиглэлийг Засгийн газраас өглөө.
Хил гаалийн тухай тодруулахад тэрбээр " Бээжин хавийн 4-5 газар хөл хориотой байгаа. Хятадын талаас авч хэрэгжүүлж байгаа хөлийн хорио манайд нөлөөлж буй хэвээр байна. Хөл хорио хэр удаан үргэлжлэхийг хэлж мэдэхгүй. Энэ хэвээр бидэнд эрсдэл байна" гэв.
Сэтгэгдэл (0)
Сэтгэгдэл бичигдээгүй байна