Архангай аймгийн Төвшрүүлэх сумын Засаг дарга хууль бусаар тарвага агнасан асуудлаар шалгагдаж байна

Ш.АДЪЯАМАА
2022/09/06

БОАЖ-ын сайдын 2021 оны 193 дугаар тушаалаар  тарвагыг ахуйн болон үйлдвэрлэлийн зориулалтаар агнахыг хориглосон. Монгол орны хэмжээнд тарвагыг гурван жилийн хугацаанд хориглосон байтал зарим сумын Засаг дарга албан тушаал, эрх мэдэлдээ бардаж хуулийн дээгүүр алхаж буй жишээг Архангай аймгийн Төвшрүүлэх сумын Засаг дарга Б.Бямбаа харуулав. 

Өнгөрсөн долдугаар сарын сүүлээр буюу сумынхаа ойн баяр наамдын дараахан Архангай аймгийн Төвшрүүлэх сумын Засаг дарга Б.Бямбаа нутгаасаа гарч Завхан аймгийн Отгон суманд амарч явах үедээ тарвага агнаж буй үйлдэл нь бичлэгээр нотлогджээ. 

Хууль бусаар тарвага агнавал:

Монгол Улсын "Зөрчлийн тухай хууль"-ийн 7.6 дугаар зүйлд заасны дагуу хууль бусаар олсон хөрөнгө, орлогыг хурааж, учруулсан хохирол, нөхөн төлбөрийг гэм буруутай этгээдээр гаргуулах бөгөөд хувь хүнийг 300.000, аж, ахуй нэгжийг 3.000.000 төгрөгөөр торгож, тарваганы экологи эдийн засгийн үнэлгээ болох эмийг 200.000, эрийг 170.000 төгрөгийг хоёр дахин нэмэгдүүлэн тооцож, төлбөр оногдуулна.

Аливаа хууль дүрэм, шийдвэрийг сум, орон нутгийн Засаг дарга нар өөрсдөөсөө үлгэрлэж, хэрэгжүүлэх ёстой атал Засаг дарга Б.Бямбаа хуулийн дээгүүр гишгэж, хориотой ан агнасан үйлдлээс нь харвал тус суманд хууль хэрхэн хэрэгждэг вэ гэдгийг тод харуулах.

Тухайлбал, Төвшрүүлэх сумын Засаг дарга Б.Бямбаа нь Монгол Улсын хууль тогтоомж, төрийн албан хаагчийн ёс зүйн хэм хэмжээг ноцтой зөрчсөн үйлдлүүд хэдэнтээ гарсан тул түүнийг огцруулах тухай асуудлыг сумын иргэдийн Төлөөлөгчдийн Хурлаар оруулах асуудал хүртэл яригдаж байна.

Сумын Засаг дарга Б.Бямбаа томилогдсоноосоо хойш эхнэрээ албан үүргийн хувьд шууд захирагдах буюу шууд хяналт тавих албан тушаал болох сумын ерөнхий боловсролын сургуулийн захирлаар томилжээ.  

 Энэ нь Нийтийн албанд нийтийн болон хувийн ашиг сонирхлыг зохицуулах, ашиг сонирхолын зөрчлөөс урьдчилан сэргийлэх тухай хуулийн 11 дүгээр зүйлийн 11.1 дэх хэсэгт заасан хориглолтыг ноцтой зөрчсөн. Тус хуулийн 29.2.4 дэх заалтын дагуу энэхүү 11 дүгээр зүйлд заасныг зөрчсөн бол бол нийтийн албанаас халах арга хэмжээ авах хуулийн зохицуулалтай. 

 Бид мэдээллийн тэнцвэртэй байдлыг хангах үүднээс Засаг дарга Б.Бямбаагаас тодруулахад тэрбээр  "Долдугаар сард ажлынхантайгаа нийт 14-үүлээ Завхан аймагт явж байх үедээ чулуугаар тарвагыг цохьсон. Би буудаагүй. Энэ асуудал Завхан аймгийн цагдаагийн газар шалгагдаж байгаа. Эхнэрийн тухайд намайг Засаг дарга болохоос өмнө 2017 оноос хойш сумын сургуулийн захирлаар ажиллаж байгаа. Би 2021 он дөрөвдүгээр сард Төвшрүүлэх сумын Засаг даргаар ажиллаж байгаа" гэв. 

Ямартай ч хууль шүүхийн байгууллагаар шалгагдаж буй эл асуудал хэрхэн шийдэгдэхийг нь харах л үлдлээ.



18
angry
2
care
23
haha
3
liked
3
love
11
sad
15
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Автозамын хөдөлгөөнийг түр хязгаарлалаа 2 цагийн өмнө
Цасан шуурганы улмаас сураггүй болсон гурван иргэнийг эсэн мэнд олж, 24 иргэний аюулгүй байдлыг хангалаа 2 цагийн өмнө
Тэтгэврийн зээлийг дижиталаар авах боломжтой боллоо 3 цагийн өмнө
"Сэтгүүлч 300 унаж болохгүй юм бол юу унаж болохыг нь хэлээд өгчих, Монголын шүүх хэзээ ингэж шуурхай ажилладаг болчихсон юм бэ" 4 цагийн өмнө
​Н.Өнөрцэцэг: Миний хувь заяа, миний эрх чөлөө, миний бүх юм торны цаана хэн нэгний гарт очиж байна 4 цагийн өмнө
Цаг агаарын аюултай үзэгдлээс сэрэмжлүүлж байна 4 цагийн өмнө
Баасан гарагийн шөнө согтуугаар машин жолоодсон 393 зөрчил илэрчээ 2023/12/02
Сэтгүүлч Н.Өнөрцэцэгийг цагдан хорих эсэхийг шийдэх хурлыг өнөөдөр 19:00 цагт зарлалаа 2023/12/01
Нийслэлийн 2024 оны төсвийн төслийн эхний хэлэлцүүлгийг хийлээ 2023/12/01
МИК ипотекийн зээлээр баталгаажсан ээлжит бонд гарлаа 2023/12/01
Хот хөдөөгийн хөгжлийг хамтатган хэрэгжүүлснээр төвлөрөл саарна гэдгийг онцоллоо 2023/12/01
Ц.Идэрбат: Шүүхэд нөлөөллөө гээд гомдож байгаа бол дуудах хүмүүс нь дуусахгүй олон, тэр бүх хүнийг шалгаач 2023/12/01
Г.Амартүвшин: Хувийн таксичдыг явуулахгүй зөвхөн бүртгэлтэй такси явдаг болох хуулийн өөрчлөлт батлагдлаа 2023/12/01
Иргэн: Нэг хэсэг нь тасарчихсан баян, нөгөө хэсэг нь маш ядуу амьдарч байна, харин шүүмжилсэн нэгнийг буруутгаж байгаа төрд их буруу байна 2023/12/01
Иргэн: Болохгүй, бүтэхгүйг ил ярьсан сэтгүүлчид хэрэг тохох гэж үзэж байгаа нь ард иргэдийн нүдэнд ил байна шүү дээ 2023/12/01
Г.Даваажаргал: Нийслэлийн дээр 80 орчим метр зузаан хүйтэн агаар тогтсон тул утаа хуримтлагдаж байна 2023/12/01
ЭМЯ: Утаанаас сэргийлж амны хаалт зүүхийг уриаллаа 2023/12/01
С.Эрдэнэбаяр: Шүүхийн ерөнхий зөвлөл гомдоод байна шүү дээ. Ийм хямдхан, ийм амархан нөлөөнд автчих шүүхтэй юм уу? 2023/12/01
Ч.Ундрам: Би нийгэмд худал мэдээллээр шүүгдэж байсан шиг Н.Өнөрцэцэгийг яг тэгж шүүж байна, олон асуудлыг гаргаж үр дүнд хүргэдэг сэтгүүлч 2023/12/01
Б.Бат-Эрдэнэ: Шүүхийн танхим руу дайрч ороогүй л бол шүүхэд нөлөөлнө гэж юу байхав, эсвэл тийм хэврэг шүүхтэй болчихсон юм уу 2023/12/01