З.Шинэчагтга: Хэн нь илүүгээ маргааш харъя

МУГТ Э.Цэндбаатар, холимог тулаанч З.Шинэчагтга нар 600 сая төгрөгийн бооцоот тулаанаа маргааш /2022.09.09/ хийнэ.  Тус тамирчид өнөөдөр жингээ үзлээ. 

Энэ үеэр холимог тулаанч З.Шинэчагтга сэтгэгдлээ хуваалцав. 

Тэрбээр "Бэлтгэл маш сайн хангагдсан.Ачаалал хамгийн их даах чадвар дээрээ байна. Жингээ тэглээд орж ирнэ. Хэрэв жин илүү байвал жингээсээ хасагдана гэсэн үг. Маргааш хэн нь илүүгээ харъя. Цахимаар янз бүрийн л мэдээлэл гарч байна. Бооцооны мөнгөө сайн үйлд зориулна гэж би өөрөө санаачилга гаргасан. Өрсөлдөгч маань бас хандивын аянд зориулна гэж хэлсэн байна лээ. Миний хувьд бодитой сайн үйлсийн аянд зориулна" гэв. 

Тулаан маргааш 19.00 цагаас Монгол Бөхийн өргөөнд болно. Тулааны тасалбар 60.000 төгрөг, 70.000 төгрөг, 80.000 төгрөг, 200.000 төгрөг, 300.000 төгрөгөөр худалдаалагдаж буй.