Ирэх онд нийт хүүхдийн 91 хувьд нь 100 мянган төгрөг үргэлжүүлэн олгохоор 2023 оны төсөвт тусгажээ.
Үүнд 1 их наяд 394.6 тэрбум төгрөг зарцуулах аж. Өөрөөр хэлбэл, 3.7 саяас дээш орлоготой өрхийн хүүхдүүд хүүхдийн мөнгө авахгүй.
Монгол Улсын Үндсэн хуулийн Арван дөрөвдүгээр зүйлийн 2 дахь хэсэгт “Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно" гэж заасан хүүхдийн мөнгийг 9 хувьд нь олгохгүй гэж шийдвэрлэсэн нь Үндсэн хуулийг зөрчиж байгаа эсэхийг Сангийн сайдаас тодрууллаа.
Сангийн сайд Б.Жавхлан үүнд хариулт өгөхдөө "Хүүхдийн мөнгөний дэмжлэгт хамрагдах шаардлагагүй 9 хувийг бага хувь гэж үзэж байгаа. Үүнд Үндсэн хуулийн зөрчил үүсэхгүй. Халамж хэрэгцээтэй, шаардлагатай хэсэгт онож очих нь илүү үр дүнтэй" гэв.
Сэтгэгдэл (0)
Сэтгэгдэл бичигдээгүй байна