Хөвсгөл аймгийн Баянзүрх сумаас 2022 оны I ээлжээр хилийн цэргийн 0245 дугаар ангид татагдаж, малын суурьт үүрэг гүйцэтгэж байсан 19 настай байлдагч С нь 2022 оны есдүгээр сарын 29-ний 13.00 цагийн орчимд модноос боомилсон байдалтай олдсон харамсалтай хэрэг гарчээ.
Байлдагч нь 2022 оны есдүгээр сарын 28-ны 16.00 цагийн орчимд үхрээ хайх зорилгоор малын сууриас морин уналгатай хөдөлсөн бөгөөд 17.30 цагийн үед малаа хайж байгаа талаар мэдээллээд дахин холбоо бариагүй тул 20.00 цагаас хилийн салбараас бүлэг гаран эрэн хайх ажиллагааг эхлүүлж, 09 дүгээр сарын 29-ний 13.00 цагийн үед хилийн салбараас 8 км, малын сууриас 12 км-т орших "Боомын гаталга" нэртэй газар модноос боомилсон байдалтай олсон байна. Тус малын суурьт 2022 оны нэгдүгээр ээлжээр татагдсан хугацаат цэргийн алба хаагчид хамт үүрэг гүйцэтгэж байсан.
Одоогоор задлан шинжилгээ хийгээгүй байгаа бөгөөд амиа хорлосон байж болзошгүй гэж гаднах байдлаар нь дүгнэжээ. Ар гэрийнхэн нь ирж амжаагүй байгаа аж. Талийгаачийг ямар шалтгаанаар амиа хорлосон болохыг Увс аймгийн цагдаагийн газраас тогтоохоор ажиллаж байна. Мөн малын суурингийн дарга болон хамт мал малладаг байсан гурван цэргээс нь мэдүүлэг авч эхэлжээ.
Сэтгэгдэл (0)
Сэтгэгдэл бичигдээгүй байна