Ц.Даваасүрэн: Индианагийн их сургууль төгссөн бүлэглэл Хөгжлийн банкыг нийлж байгаад дээрэмдсэн

Ирэх оны төсвийг дагалдуулж хамт өргөн мэдүүлсэн хуулиуд дотор Засгийн газрын өрийн баталгаа гаргах зөвшөөрөл олгох тухай тогтоолын төслийг оруулсан нь зарим гишүүдийн эсэргүүцэлтэй тулаад байгаа. Хөгжлийн банкны зээлийг татвар төлөгчдийн мөнгөөр төлүүлэх тогтоолын төслийг өргөн барьж байна хэмээн УИХ-ын гишүүн Ц.Даваасүрэн эрс эсэргүүцэж, “Зээлийг нь төрөөс баталгаа гаргаад, мөн Хөгжлийн банкаа энэ явахаа болилоо хэмээн дампууруулж энэ зээлийг татвар төлөгчдийн мөнгөөр төлөх нь гэж харагдаж байна. Ингэж болохгүй. Төсөв дагаж орж ирсэн тогтоол дотроос үүнийгээ авч хаяарай. Улсын мөнгийг идэж ууцгаачхаад баталгаа гаргаад байж болохгүй Энэ тогтоолоо татаж авахгүй бол би нэг бүрчлэн ямар бүлэглэл орж, хэн хэний ямар ашиг сонирхол бүхий компаниуд байгааг ил гаргаж тавина шүү. Жишээ хэлэхэд дампуурч байгаа Чингис хаан банк руу 30-40 тэрбумын зээл өгч байгаад өөрсдөө хусчихсан байхгүй юу" гэсэн байр суурийг илэрхийлж байсан юм.